StarTalk丨谷婭溦個性直率認易得罪人 自爆被古淖文誤會生情愫
上年開始就打造「人性四部曲」嘅 谷婭溦 ，首部曲嘅主題就係講「謊言」，曲風偏向歌劇，而嚟到第二部曲，新歌《我管你》曲風偏向日式動漫風，以表達真實、熱血嘅主題。呢日溦溦就接受 許文軒 《StarTalk》嘅訪問，大談新歌之餘，仲會講下佢直率真實個性嘅利與弊。
溦溦坦承自己因為直率嘅個性得罪唔少人，佢舉例試過有朋友用咗好長時間嚟做一首歌，但佢聽完後就直接同朋友講，話首歌唔啱佢，結果搞到個朋友喊晒之餘，仲畀朋友誤會埋，搞到而家都冇再聯絡。溦溦話呢件事之後，自己總結咗一樣嘢，就係對住同輩嘅人，千祈唔好直接指出對方嘅不是，反而係對住前輩先可以盡情講真話，因為對方會因為咁而欣賞佢直率嘅個性。
問到溦溦對古淖文嘅輩份定義？佢話因為自己當時係導師身份，所以一定係講真嘢。同時溦溦又讚古淖文好乖好肯聽人意見。對於被古淖文稱為「小辣椒」，溦溦就話呢個稱號好代表到佢嘅性格，佢仲重提當然喺《中年好聲音2》嘅「狂言」呀！
提到當時溦溦因為要幫古淖文，而推咗好多商演一事，溦溦就首度於訪問中爆料，仲話因為呢件事，令古淖文誤以為自己鍾意佢！溦溦又話呢個「美麗嘅誤會」到而家佢都冇同古淖文傾過，自己係首度喺《StarTalk》中同大家探秘呢件事，當然溦溦仲會大方講自己同對方嘅關係啦！
#StarTalk #谷婭溦 #我管你 #許文軒 #中年好聲音2 #狂言 #古淖文 #拍拖 #爆料 #真實 #熱血 #日式動漫風
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
3 июл 2024
