Igitoro n’amafaranga y’agaciro mu Burundi biri ku rugero rwo hasi cane kandi ibihugu vyose kw’isi ari vyo bigenderako kugira bimenye uko ubutunzi bwavyo bwifashe. Ivyo bisigurwa n’ishirahamwe PARCEM ryasubiye gutera akamo kubera igihugu kiguma kija hasi. Faustin Ndikumana, arongoye iryo shirahamwe, akaba anegura igiturire kiriko ciha inkumbi, n’ingene leta yiziziye isoko ry’igitoro, kandi yategerezwa kurihebera abigenga. Ku bw’ivyo, abona ko leta ihari uno munsi yategerezwa gutanga imihoho, umukuru w’Igihugu agashinga iyindi nshasha. Ku bwa Faustin Ndikumana, uwo ni wo muti nyamukuru utegerezwa kwisungwa. Hanyuma abo bategetsi bashasha bagafata ingingo zibereye zo kurwanya igiturire no gutunganya neza ibikorwa vya leta, babifashijwemwo n’abahinga.
10 июн 2024