رابط المقطع من قناة عرب جي تي ru-vid.com/video/%D0%B2%D0%B8%D0%B4%D0%B5%D0%BE-9MSsFjg0uv4.html المبردات أنواع والمشكلة لما تختار النوع الغلط وتستخدمه بطريقه خاطئة أفضل طريقة انك تركب مبرد ثانوي راح يحافظ على الجيربوكس بالصيف والشتاء
شفته بس انا مايقنعني الى التجربة كلام الناس مااعترف فيه لنه على الجتهاد مب شي علمي اللي بحث عنه افظل درجة للقير ٧٥ وركبت مبرد حجمه معقول لنه كل زايد ناقص
مساء الخير أنا عندي تاهو ٢٠٠٧ وارد أمريكي والقير في الحراره بخط مستوي سفر يوصل ٩٤ الي ٩٧ وفي طلوع العقبات مثل عقبة الباحه يوصل ١٠٣ إلى ١٠٩ لدرجه انه اتحايل وما ادري اذا تصرفي صح على هالمشكله اذا كانت تعتبر مشكله بأن قبل صعود العقبه استخدم رز القطر بالقير احسه يساعد بضبط الحرار وللمعلوميه المبرد صغير وبالزاوية اليسار من واجهة السياره فهل معدل هالحراره طبيعي
اصلا فيه بلف للقير ما يفتح الا عند درجه معينه يعني لو تركب مبرد كبير ما يضر لان في الشتاء البلف قافل ويرفع حرارة القير . لكن المشكله اللي يركب مبرد ويقلب البلف او يلغيه
كلامك صحيح علي جو هم ب العشرين تحت الصفر ولا تنسا صيفنا في الخمسينات درجه والشتاء فوق ابصفر ماعمرها نزلت اكثر من كذا الحراره وتشوف حراره القير تعدت درجه الغليان خاصه في الطلوع وكلامك مقدر ويوخذ بعين الاعتبار ٠٠٠ كل الاحترام
تكلمت في فصل الشتاء ونسيت الصيف و طلوع ونزول العقبات الامر المهم هو بلف القير وذكروه الشباب لذلك ركب مبرد قير ولاتلعب في البلف واذا انت مرره حريص ركب ٣٠ الف وحده لاتركب ٤٠
الصراحه انا ركبت مبرد قير لكن المواصفات واختيار المبرد من واحد مختص امريكي تواصلت معه بالنت والامور تمام الى الحين اي سبع سنين والي فرق شي واحد بس ان حراره السياره تنزل تحت النص بشرطه وهذه نادر بالوانيتات الامريكيه وسلامتكم
موتري موديل ٢٠١٨ ركبت مبرد قير تقريبن من سنتينن وللحين مافيه اي اختلاف ولا شي ولا مشاكل في القير الحمدلله الشتا ماادعس على الموتر وحراره تنزل اكثر واكثر طول الشتا ولا جاه شي الحمدلله
السلام عليكم اخوي انا تخصصي قير ب مكنيكا السيارات حراره القير الطبيعية من ٥٠ الى ٨٠ فوق او تحت مضر له ال ٩٠ مضر جدا ولاكن ال ٤٠ اقل ضرر بكثير لانه من ٩٠ وفوق تبدا الكلتشات تتاكل وتحترق بالقير الاوتو لاكن العادي يختلف ولا يحتاج تبريد لان طريقة عمله تختلف ومعليش اخوي اصحح لك المعلومة ب اجواء الرياض او القصيم الحاره والجافه محتاجه مبرد بالصيف عكس جده والمناطق الي حوله واعتذر على الاطاله
السلام عليكم ورحمة الله وبركاته اخوي انا مركب مبرد قير خارجي ٤٠٠٠٠ الف وحده والحراره عندي من ٥٥ الي ٨٥ بالكثير وانا من الجنوب الي تبوك كل شهر إلى شهرين الموتر عندي ركبت المبرد وماشي عليه ١٨٠ الف وماعندي خلاف وبالنسبه للزيت يتأثر بالحراره وينعدم بالحراره الزايده وهذا مثبت علميا وعمليا وياليت تتأكد من معلوماتك او تثبتها بعلم وادله مو سوالف مع احترامي الكامل لشخصك الكريم ولك وافر التقدير واتمنى التوفيق للجميع
وعليكم السلام ممشى ١٨٠ الف يعتبر قليل الزيوت حاليا تطورت مو مثل قبل تتحمل درجات حراره عاليه ولكن طبيعي انها راح تتأثر على عمر القير الافتراضي فالأفضل تخليه على المستويات الطبيعيه اذا تبي تحافظ على القير لأطول مده وكنصيحة مني ارفع الحرارة إلى ٧٠ ترا مصانع السيارات حطو حرارة معينه وبلف لسبب مهو عبث القير يحتاج لحرارة معينه عشان يعمل بكفاءة
لانك ذكي اما صاحب المقطع اصلا لم يفهم ماكان يقصده الذي كان يتكلم من قناة عرب جي تي ، ياخي في ناس تشيل مبرد الكير اللي مصنعته شركة السياره ضنا منه انه نظام مبتكر لتسخين الكير وانا شخصيا اعرف الكثير ممن ذهبوا الى الفنيين كي يفصل له مبرد الكير .. شر البلية ما يضحك ..
حياكم الله انا جربت الاسكاليد في الهدا يوصل ٩٥ وهي عقبه عاديه وجربت طلوع عقبه اخرى وكان على مبرد الوكاله وبدت تطلع درجه حراره القير ووصلت مرحله انها أثرت على حراره المكينه الين سخنت السياره وراحت علي السيف مود وطفت وهذا اكبر دليل ان مبرد الوكاله مخصص للاستخدام العادل يعني خطوط سفر ومافيها وقفات فترات طويله ولا حراره مرتفعه وماتنزل البر الا قريب قريب يعني مايتحمل الجور باي شكل من الأشكال ولو كان خفيف . وطلعت نفس العقبه بعد المبرد الخارجي وماشاء الله وصل ٩١ في آخر العقبه. المعنى كل واحد واستخدامه اذا عادل لاتغير شي من الاخر. وبالنسبه لموضوع الزيت ماراح يفقد خواصه الابحراره زايده ومستمره ولو لم يفقد خواصه فمعا الحراره الزايده يقل عمره الافتراضي بدال مايمشيك ٦٠ او ٨٠ الف راح تلقاه بدا يحرق في ٣٠ او ٤٠ الف وممكن تشيك ريحة زيت القير وتشوف الفرق قبل وبعد وانا ماني مع من يكنسل الخط اللي رايح للرديتر الأساسي ويخليه على المبرد على طول لان في البرد تحتاج حراره ماء الرديتر عشان تسخن لك اللي رايح للقير ويكون القير والمكينه وصلوا للحراره المقبوله عشان تمشي بالموتر بدون اي خوف او خطر والله يسعدكم ونستفيد من خبراتنا جميع وفالكم التوفيق
بارك الله فيك. في الشتاء يحط كارتون ويخلي فتحه بصيطه وبهي الطريقه الحراره تضبط . وانا مثلك ميكانيك قناتي Hussain makki michanik. وانا جربت وطلع كلامك صح وادري من خبرتي في الميكانيكا ان القير العادي بعد لازم يسخن ما بالك القير الاوتوماتيك اذا ما يسخن مايغير القير يخرب.الله يجزيك خير اخوك من البحرين
نرجع نقوووووول حسب الإستخدام ..اذا شباب ودعس وتطعيس وغيره لاااازم مبرد أما حال الإستخدام العادي قد يكون لا يوجد ظرورة له ..لكن اكثر السيارات الإمريكية الحوض قيراتها تضرب بسبب حرارة القير لان أغلب المستخدمين شباب مهووسين بالمقاومات والتطعيس والدعس وغيره. ولكن نرجع نقول غالبآ مع الجلد ..لذلك اللي يحس انه بيجلد الموتر في اي وقت ولا يقدر يمسك نفسه عن التطعيس والجلد لازم مبرد صراحة ..شكرا😊
يارجال مع الاحترام ماعندكم سالفة!!! اول شي الصيف عندنا 9 شهور والباقي شتاء او نص برد ثاني شي الزيت خفيف جدا مقاس 10 مستحيل يبرد ولامريكي نار شتاء ولاصيف وبمجرد مايحتر القير معك ينقص الأداء وتتعب الكلتشات حتى لوقلت الزيت تخليقي ومصنع في المريخ بيخرب وبتركب زيوت الخليج وهي اردى من شد البلد ثالث شي انت شاري جمس او شفر واكيد الاغلبية دبل لادخلت الرمال تغيرت حساباتك وتتمنى ان مركب مبردين وليس واحد واكد لك ان كلامك غلط في غلط بالنسبة لدرجة حرارة القير في البرد 40 عادية جدا ماتضر القير بدليل السيارات القديمة اللي تجي الى الخليج استيراد من ولايات كلها ثلج قيورها ممتازة ولاخربت وهي اقل جودة من الحديثة بالعكس اذا جاتنا خبطت من الحر. رابع شي الشركة المصنعة للجمس والشفر مديلات ال2019 كبرت المبردات بزيادة بعد ماشافوا التعديل للمبردات للمديلات السابقة. مع العلم ان المحرك الجديد ابرد من القديم. هذا معلومات صحيحة ومؤكدة وكل شخص حر في رايه وحلاله. اما قولت لاتركبون مبردات وحنا على خط الاستوا وسيارات امريكية معليش.
مدري انت فهمت كلامي بالمقطع او لا لكن قلت بالمقطع ان مبرد القير ( ممكن ) يضر بالقير ركز على كلمة ممكن .. يعني اذا استخدمته بطريقة خاطئة وصاحب السلفرادو اللي بالمقطع مركب مبرد قير ومحافظ على حرارة القير وفاده كثير لأن استخدم النوع والطريقة الصحيحه
كلامك معقول صراحه اشهر الحر عندنا ثلاث اضعاف اشهر البرد فلذلك يجب ان نحسب للحر فقط ونعمل بما يجنبنا فيه خرارب القير وحرارته وبالنسبه للبرد فهو ثلاث اشهر بالكثير ودرجة معقوله وانا واحد خبط قير موتري والسبب الحراره ومبرد الوكاله الزباله وبعدها ركبت مبرد قير كبير طلبته من امريكا ولله الحمد اربع سنوات وهو راكب بموتري وهو زي الحلاوه نسيت شيء اسمه حراره ومشاكلها ..
الجموس من 7-14. معي واحد 2012. مع العقبات اذا وصلت درجة الحراره 94 يبدا القير مايعشق مظبوط بس انا اشوف احسن شي لحرارة القير تكون في موديلات 2012 ان الحراره تكون من 60-70-80 ب الكثير. ولا تكون اقل ولا اكثر انا اتكلم عن الموديل الذي اعنيه. يعني 30 الف وحده تكفي او 20 الف
أفضل حراره لموديل موترك هي ٧٥ 👌 كان معي موديل ٢٠١١ وكانت الحرارة ثابته على ٧٥ وترتفع شئ بسيط مع التطعيس بس كانت تعشيقات القير ولا احلى وسريعه بالاستجابة ولا اشتكيت منه لين تقريبا وصل ممشاه ال ١٠٠ الف بعدين انقلب من فوق قص 💔
المبرد مفيد لكن اذا يبرد الزيت واجد يعني ينزل عن الحراره الطبيعيه راح تضر زي ما الحراره تضر بالقير ايضا البروده تضر المبرد اللي يحافظ على حرارة طبيعيه لزيت القير وما يخلي الزيت تزيد حرارته كثير عن الحراره الطبيعيه هذا مبرد مفيد
صحيح انا كان معاي دينالي 2009 وكنت مركب مبرد قير كبير اسمه ( تروكون ماكس ) وايام الشتاء احس بالقير انه مو طبيعي ينتع ومن بعدها بكم شهر ضرب القير وغيرت القير وبعت الموتر ... طبعا اوافقك الراي وبشدة ان برودة الزيت لها ضرر بشكل كبير على القير
إذا ركبت مبرد قير لازم تركب ثرموستات معاه تحبس الحرارة في الشتاء وتبرد في الصيف الثرموستات تعمل زي بلف المكينة لموازنة الحرارة وركب المبرد اللي تبي بس الثرموستات ضرورية جداً
كلامك صحيح وانا كلمتك من قبل ونصحتني اني اركب ترمستاتس تروكل وطلبتها من بره وركبتها لي يومك حرارتي ثابته صيف وشتاء الله يجزاك خير .. كنت مركب 40 وحده تروكول بدون بلف واحس القير موراضي يمشي بالجو البارد ذبحني وكل ماطلع الخط تنزل تنزل لي توصل 40 والحين الحمدالله بعد البلف حرارتي ثابته 81 82 صيف وشتاء خط ولا واقف .. الفضل لله ولك ماقصرت وياي
بسم الله الرحمن الرحيم عزيزي راعي المقطع و الاخوان الحاضرين .. المحترمين. اجتهدت و جاهدت و اجهدت نفسك بس عسب تثبت و تذكر العيب الوحيد للكولر و لكنك للاسف ما كلفت عمرك تذكر لو حل واحد لتلافي المشكلة من اساسها .. يمكن نسيت؟ فمثلا من الممكن انك تخلي المراوح بمفتاح خاص تتحكم فيهن بنفسك متى ما بغيت في الصيف او الشتاء. ( هذي الشغلة مسونها انا في موتري ). و اشوفها الانسب و الاوفر. و حل ثاني ذكره واحد من الاخوان و قالك بطل الكولر في الشتاء و رد ركبه في الصيف . الحل الثالث انك تختار نوعية الكولر بدقة شوي بحيث انه لا ينزلك الحرارة زيادة عن اللزوم. شيخي الاغلبية الغالبة من اللي يركبون كولر عندهم علم ان حرارة الجير اذا زادت او نزلت زيادة عن اللزوم لها ضرر اكيد و فادح ، حتى لو كان نوع الزيت التخليقي من اجود الانواع ، مع العلم اني انصح الاخوان كذلك بتركيب مراوح اضافية صغيرة الحجم نسبيا تتناسب مع المنطقة الفاضية بين الكولر و شبك و السيارة و التي لها فوائد كثيرة على السيارة مثل المكيف - الكمبريسر - و المحرك و كولر باور الاستيرنج و الذان سيعمل كل منهم بكل راحة و اريحية و كفاءة في اشد درجات الحرارة صيفا ، و ستقل دورة الصيانة و يزيد العمر الافتراضي لهذه الانظمة و الاجهزة و السيارة بشكل عام ، و في الشتاء عندما لا لزوم لتشغيل المراوح الكبيرة الخلفية - من المحتمل - ان تحتاج لتشغيل المراوح الصغيرة الامامية و طبعا اذا كنت قد خصصت لهما مفتاح تحكم بالتشغيل و الاطفاء. و للعلم يجب التنويه لشغلة بسيطة و هي ان اسائة الاستخدام او الاستعمال الجائر يقضي على الجير و المحرك و الدفريشنات و السيارة بكبرها اسرع من اي شيء اخر.. و السلام عليكم و رحمة الله و بركاته..
اولاً يعطيك العافيه على وقتك الثمين في كتابة هذا التعليق واللي ممكن يستفيد منها الناس طبعا انا ذكرت بالمقطع ان الكولر مفيد لكن اذا انخفضت درجة الحرارة عن المستويات الطبيعيه هنا راح يصير الكولر مضر وبالنسبة للحل في حلول كثيره ولكن أهم شئ لا تخفض الحرارة واجد بالشتاء واكيد ان الحراره المرتفعة راح تضر بالقير لكن أيضا الدرجات المنخفضة تضر بالقير وتوجد زيوت متطورة تعمل بكفاءة حتى بدرجات حرارة منخفضة لكن سعرها غالي والمصنع ما راح يحطونه بسياراتهم لأن راح تزيد عليهم التكلفه 💲
عندك ابو جهاد قروب تاهو ويوكن مكنيكي وفهمان ومسوي لسيارته مبرد وطلع عليه عقبة الطايف وجلد مازاد درجة الحرارة عن ٦٠ وماقطع فيه الا ٢٠٠ الف فقط وراح عليه القير وسواله توضيب بمبلغ ٧٠٠٠ وروحو لقناته عشان تصدقو الكلام هذا. 👍🏻🌹
راعي الجمس GMC صدقت لاكن حسب كلامه يقول راعي سحب ودايم في طلوع جبال ومدري ايش بس ٢٠٠ ولا شيء اعرفلك عالم من ٢٠٠٤ للحين امورهم طيبه وشياب بعد. طبعاً انا دخلت في راسي اني اركب مبرد لاكن احس اني مااحتاج لاني ماني راعي مقاومات وطلوع وطعوس يعني في السنة مرة مرتين وحرارته ماتتعدا ال٩٠ لاني ارفق ع الموتر بطلوع ونزول الجبال لاكن بلخط ٨٠ اكثر شيء وحرارته لين ١١٠ يقولو عادي وطبيعي عاد لاتقطع شوفت فيديوهاتك تونسنى.
ايمن العامري انا سيارتي تاهو 2007 وركبت مبرد جاي معه بلف من امريكا وركبت بلفه معه الموتر ماشي الان 560 الف وبحالة الوكاله ماشاء الله ضروري يركب البلف ضروري واستخدمه اكثر من ابو جهاد في الطعوس والسحب والطلوع ووضعه ممتاز ولله الحمد والمنه اللي ابغى اوصله لكم ان اي واحد بيركب مبرد لازم يركب معه بلف والبلف يجي مع المبرد لونه ازرق صغير ركب وانسى الاعطال والحراره باذن الله تعالى
@@user-sz7zv3vd1c صحيح البلف يحافظ على درجة حرارة الزيت في المستويات الامنه والطبيعيه 👍 بس بعض البلوف ما يحافظ على درجة الحرارة ويبرد الزيت أكثر من اللازم هذا اللي يضر خصوصا لما يكون المبرد كبير حنا بالشتاء ايدنا تثلج من البروده فما بالك بمبرد كبير يضربه هواء بارد بالخط
١- درجة حرارة التشغيل الطبيعية و هي الدرجة اللي القير يعمل بأعلى قدراته و ليس المطلوبة حتى يعمل أو لا يعمل و لو كلفت نفسك دقيقتين و بحثت تلقاها موجودة بكتيب المصنع من ٧١-٩٣ مْ و ليس كما ذكرت أو بناء على كلمة " مثلا " من صهيب إنها من ٨٠ - ٩٠ مْ ٢- فيه نظام سيفتي في السيارات الجديدة معروف باسم Torque management هذا يتحكم بأمور كثيرة مربوط *بكمبيوترات* السيارة و تحديدا سيارتك اللي مصورها ( لاحظ كمبيوترات لأن فيه كمبيوتر للمكينة و كمبيوتر للقير و كمبيوتر للدبل ) اللي يهمنا منها إنه يتحكم بكمية الطاقة اللي تنتقل من المحرك إلى القير حسب درجة حرارة القير ( لو الحرارة نازلة مرة النظام هذا ما يخلي الطاقة كلها تنزل عالقير و ينتج منها التعشيقة تكون باردة و طويلة تلاحظها لو تدوس السيارة و القير بارد جدا ) ٣- الزيوت التخليقية صحيح إنها تتحمل درجات حرارة أعلى و لكن ما يعني إنها ما تحترق الفرق هو فقط اختلاف درجة انكسار اللزوجة بينها لو كلامك صحيح إنها ما تنحرق أجل وش ذا اللي نشوفه لما نشتغل من زيوت محروقة و ريحة كلتشات محترقة ؟ أخيرا عندي سؤال ليش قير السيارات العادية " الجمس ١٥٠٠ مثلا " فيها بلف و سيارات الاستخدام الشاق " الجمس ٢٥٠٠ مثلا " ما فيها بلف ؟ مع إنه لعلمك القيرين وقت التوظيب نفسه تماما بالشغل باستثناء وجود كلتشين فقط إضافية بالجمس ٢٥٠٠ الجواب باختصار بلف القير في السيارات العادية يساعد في تحسين استهلاك الوقود و هو شيء مطلوب و يبحث عنه العميل و المصنع أيضا يبحث عنه لجذب العميل ولو كان الفرق بسيط جدا " ٥-٧٪ مثلا " في المقابل سيارات الاستخدام الشاق عميلها يبحث عن تحمل و عمر أطول و استهلاك الوقود بالنسبة له شيء ثانوي وبلف القير لا يخدم لا العميل ولا المصنع من هذي الناحية و لذلك ما وضعوه ليحقق هدف الاستخدام الشاق و طول العمر أتمنى لو يكون النقاش من ناحية علمية أو عملية و ليس من تجربتي و تجربتك و الوكالة سوت و ما سوت ما توكل عيش الكل الآن واعي و يعرف أن التوجه الجديد بالصناعات هو كيف أسحب من جيب العميل قد ما أقدر بدل ما أسوي منتج يشريه و ينساني
@@hithamalzhrane7197 الافضل اذا ماناسبك تفك المبرد وتقلب البلف بتكون الحرارة عندك مابين ٦٨ الى ٨٠ بالنسبة للمبرد مامنه مشكله مركبة على الجمس من يوم طلع من الشركه ثابته على ٥٩. ٦٠ له ٤ سنوات
اضافة معلومة الزيت له خواص سواء زيت المكينه زيت القير اي زيت داخل السيارة يعمل في درجة حرارة لكي يقوم بالتنظيف والتزييت والانتشار فيحتاج حرارة معينة وتم وضع مبرد حسب درجة الحرارة المطلوبة من الوكالة زيت المكينة يحتاج ١٠٠ درجه مئوية وزيت القير من ٦٨ الى ٩٣ درجه مئوية والمرجع الاساسي لاي سيارة كتلوج بالدرج اقراء لاحد يفتي من راسه انا راعي بر طلوع عقبات يعتبر استخدام شاق غير بعد ٤٠ الف استخدام عادي ب ٨٠ الف تغير الزيت وهكذا .وشكرا لصاحب المقطع لتنبية لذلك .
كلام غير عملي الحراره هي 90% خراب القير ام خصوص في الشتاء الزيت مخصص يتحمل البروده والحراره ابغاء رائيك في المناطق الجليدية التي توصل درجه الحراره أقل من 20 تحت الصفر ارجو فهم الموضوع بكامل التفصيل اخي راعي الجمس
بالنسبة للمناطق الجليدية يكون نوع الزيت المستخدم نوعية غالية تتحمل البرودة وأصحاب السيارات يتركون السيارة شغاله لمدة ربع ساعه قبل ما يمشي عالموتر عشان الموتر يسخن ويوصل للحرارة الطبيعيه اما سياراتنا بالخليج ما اتوقع انهم يحطون الزيت الغالي والمطور اللي يحافظ على لزوجته بدراجات حرارة منخفضه جدا الموضوع من أجل الفائده فقط وانا بالنهايه مو مستفيد شئ سواء خبط القير عندك او ما خبط
@@gmc4150 تسلم حبيبي ونا كذالك فقط للفائده فقط اما بخصوص الزيت غالى او رخيص عشان مناطق البارده لا أعتقد بواقع الخبره. ولذالك يمكن اخذ عينه من الزيت ووضعها في فريزر (الثلاجه) لمدة يوم كامل ونت تعرف ونا ياغالى احترم وجهت نظرك فقط للفائده للجميع ونا ممكن احتاج في يوم من الايام اشكرك تقبل احترامي وتقديري 💗💗💗💗💗💗💗💗
حدث العاقل بما يعقل.... طيب بالنسبة للمناطق الباردة جدا مثل كندا توصل °40- تحت الصفر يعني كم تتوقع راح يكون حرارة زيت القير؟؟؟ اتحدي لو وصلت ٣٠ درجة مئوية اما صهيب اللبناني اتمنى يكون كلامة موثق بروابط معتمدة مثل الشركة الام او اغلب مصنعي السيارات... أما بجي يتفلسف على من راسة بدون دراسة او توثيق للمعلومة فاسف واقول كلامة مردود علية
بالعكس كل ماكان استخدام زيت الجير على درجات حرارة باردة كل ماطال عمر الزيت قد يوصل عمرة فوق ال 200 الف كيلومتر وهذا الرابط فيه رسم بياني بذلك www.transmissionrepaircostguide.com/wp-content/uploads/2017/04/GM-transmission_failure_chart.jpg
@أحمد علي صحيح كل زيت شركه له خصائص تختلف عن زيت الشركة الثانيه وطبعا في أنواع زيوت حتى بالجو البارد تحافظ على لزوجته المثاليه وتنتشر بين المسننات بس سعره غالي شوي
اخوي الزيت له لزوجة معينة لازم يحافظ عليها بحيث ما تتعرض للتلف بالحرارة ولا تتعرض للتجمد أو لزيادة اللزوجة ، وعشان تحافظ على هذي اللزوجة لازم يكون فيه حرارة للقير، والمتعارف عند الشركات ان الحرارة المناسبة بين 80 و 90 درجة، اذا قدرت تحافظ على هذي الحرارة القير بيعيش معك لاطول فترة ممكنة ويطول معك عمر الزيت
عن تجربة عندنا في دول الخليج فترة الصيف تصل الحرارة ل ٥٠ درحة مئوية لمدة ٣ شهور وشهرين متوسط الحرارة ٣٥ درجة في هاي الأجواء ينفع مبرد القير في الشتاء حط كرتون صغير على مبرد القير إنحلت المشكلة ونا مسويها من ٤ سنوات والأمور طيبة
بالاضافه الي ان زيت الجير atf يعتبر شره للرطوبه ويمتصها فلذلك يحتاج الي بعض الحراره يعني لما يوصل الي 100 في بعض الاحيان يعتبر مفيد للجير لانه بيطرد الرطوبه ومعروف اضرار الرطوبه لانها سوف تسبب صدء في مكونات الجير
يا حبيبنا الغالي أتمنى تنزل المقطع عن أفضل زيت للقير الي يناسب الجمس لأني غيرت زيت ايسي ديلكو مع فلتر لجمس يوكن موديل 2009 ومن بعدها صرت أعاني من الحراره ويفصل القير وما يستجيب إلين يبرد وهذا عادتا يصير معي في العقبات فأتمنى تفيدنا ولك جزيل الشكر والتقدير
في شركات كثيرة تنتج زيوت للقير جداً ممتازه لكن انا شخصياً اركز على الزيت اللي من الوكيل لأن القير حساس وتعرف القير سعره غالي ما ودك تفرط فيه اما المكينة عادي احط من اي شركة بس تكون الزيت متوافقه مع مواصفات الزيت الموصى من المصنع
كلامك تنقل من واحد ماجرب الحرارة عندنا التي تاصل 50 بالصيف ومع ذلك حرارة السيارة التي ممكن تعدى 80 بالصيف ياخي تركيب رديتر بالصيف مهم للسيارات الامريكيه
المبرد مفيد للقير لا محالة خبير صيانة السيارات عبد الحق معروف متابعينه أكثر من مليونين يقول حرارة زيت القير المثالية 60 درجة حتى 90 درجة لا تزيد ولا تنقص وبهذا لمن يريد تركيب مبرد زيت عليه تركيب ساعة لمراقبة الحرارة حتى لو ركب مبرد قير عملاق يعمل له بلف يفتح على درجة حرارة 60 فما فوق وبذلك يرتاح من هموم القير وأعطاله.
عندي يوكن ٢٠٠٨ مستخدمه ١١سنه حرارة الغير من ٨٠ الى ٩٢ والحمدالله شد بلد والتبديلات ممتازه مافيها خلل لاحد يركب مبرد غير خلك على شغل الوكاله اذا تبي تبرد القير والمكينه ركب مروحه إضافية وعيش وسبني اعيش 😂
بغض النظر عن نوع السياره لي رأي بالتعديل اي شيء مبالغ فيه ضرره راح يكون اكثر من نفعه التعديل بالمعقووول تنزل الحراره للمكينه تركب بلف اقل بدرجات بسيطه ماهو من النص يطيح للربع ونفس الموضوع للقير خذ شيء افضل من الوكاله بس ماهو مبالغ فيه من 90 ينزل بالحر الى 40 او 50 مصيبه هذي
بارك الله فيك اخوي على اجتهادك ولكن تمنيت لو كان مثبت بأدله ولكن في كل مجال يوجد اختلافات ولكن من واقع تجربه .. كان معي تاهو 2012 LT بدون دبل ايام الصيف ودوام او الليل طالع لمشوار ، توصل درجة حرارة القير من 85 الى 90 .. ويبدأ الموتر يثقل والا اشد عليه عشان يمشي واحيانا يأخر القير وتحس بنتعه بسيطه ، مع العلم اني اغير الزيت كل 50 الف في نهاية الامر ركبت مبرد ، وفرق معي حتى في مشي وتغييرات القير والحراره توصل تقريبا من 65 الى 75 اغير الزيت احصله شبه نظيف ، بعكس قبل المبرد ، احصله محروق حاليا معي افلانش Z71 2012 بطاقه جمركيه ولاية المكسيك القير نفس الطريقه السابقه من 80 الى 90 تقول اسوق باخره مو سياره ثقل لدرجة اضغط نص الدعسه لين يرد نمره ويمشي ، وقت الظهر ودرجة حرارة الجو 50 , حدث ولا حرج .. وفي البر او طلوع جبال من 100 وانت طالع وصوت المراوح شغال طبعا فاتح ف الكبوت فتحات تبريد hood vents ، لتصريف الاحتباس الحراري داخل الكبوت صراحه وجديا افكر اركب مبرد ، نفس السياره السابقه . هذي تجربتي وعلى سيارتي وحده مبرد تروكول 40 الف وحده والثانيه مبرد الوكاله اللي تقول ايباد ميني داخل الكبوت
كلامك صحيح بخصوص درجة حرارة القير لازم تكون مناسبة لكن للفائدة مبرد القير الي يركب فيه نظام اذا كان الزيت كثافة عاليه يرجعه للقير مايبرده لكن اذا خفت يبردة يعني المبرد مايدخل الزيت وهو بارد لدرجه غير مناسبه للمبرد يرجعه للقير هذا شي الشي الثاني مافيه مقارنه عن درجات الحرارة عندنا والمناطق الباردة وبالنسبة للزيد التخليقي فايدته لزيادة عمر الزيت بافضل خصايصه مو اكثر والا اذا على كلامك مايحترق مثل القديم احل ليش نغير زيت السياره كل 5 الالف او عشره تمنيت انك تذكر معلومات مبنيه على مراجع موثوقه صهيب يقول الكلام الي سمعه من صاحب السياره مو عن خبره واختيار حجم المبرد المناسب للسياره له دور كبير في تحسين القير واغلب الوكلات تصمم السيارات على الاستخدام العادي اتمنى اني ذكرت شي يصحح معلوماتك وتتاكد قبل طرح معلومه غير صحيحه
غلطت لما قلت ان الزيت مايفقد خواصه .. العكس تماما الزيت له خواص وكل ماده لها خواص تفقدها عند درجات حراره عاليه او منخفضه تماما .. والزيوت تطورت لزوجتها وخواصها ( عند درجات معينه ) بعد كذا راح تفقدها وبتوفيق
ولمعلومه اضافيه .. الزيوت سواء قير ولا محرك لابد تكون في مدى معين بدرجة حراره معينه ،بسبب طبيعه الزيت يعطيك افضل واقل احتكاك بين التروس او جدران السليندر من الاحتكاك وفقد الطاقة والزيت غالبا الافضل له من ٨٠-٩٠ ولو لاحظت درجه حراره زيت القير او المحرك تكون بهذا المدى او تزيد وتنقص قليلاً ( بسبب ان الزيت افضل خواص واقل احتكاك يعطيك ياها بهذا المدى)
طيب ياأخي العزيز في الشتاء عادي شغل السياره وخلها تجلس تحمي لمن يوصل حرارة الجير ع 50 وفوق وتقدر تمشي بعدها انا حاليا موتري بدون مبرد جير لمن اشغل الصباح تطلع لي حرارة الجير 41 وانتظره لمن يوصل 50 واعشق وامشي وانا ترى بالشرقيه بالصيف الصباح درجة الحرارة عندنا توصل51 واذا مشيت ورحت وجيت وقفت عند الاشارة كل اشوي توصل حرارة الحير عندي 94 ف لازم من تركيب المبرد الجير بالخليج يا اخي العزيز تحياتي لك
ركب مبرد قير لكن لا تخليه ينزل من الحرارة بشكل كبير وإنا اقصد الأشخاص اللي يركبون مبرد قير وتشوف حرارة القير عندهم نازل واجد وهو ماسك خط هنا الضرر لما تشغل الموتر تنتظر دقيقه وبعدين تاخذلك فره بالحاره على سرعه بطيئة عشان ترتفع معك الحرارة وبعدين امسك خط
لا والله ماني ضد المبرد بس هذا نظامه تبريد هوائي منفصل وحق الوكاله تبريد مائي مع الرديتر وميزة المبرد المائي يحافظ على حرارة القير بالمستوى الطبيعي بالزحمة وبالخط وبالشتاء يعني لاغلب الظروف
@@gmc4150 انا معك للي يركبون مبرد اضافي فقط كذا مع الناس لاكن فيه بعض السيارات مثل تاهو ١٤ و ١٥ فيها مشكلة في شريحة القير اذا تم تغييرها الحراره تنهبل ولاتجلس في معدلها الطبيعي والحل بدال ماتصقط قير جديد مبرد اضافي يحل المشكله وايام الشتاء عندنا في السعودية بالكثير شهرين و ١٠ شهور يعتبر حر ، وفقك الله
طيب انا مابغى يكون برديتر عشان مايخلط خصوصاً الرديتر قديم ابغى افصله وعندي فكرة اجرب انواع مقاسات واستخدم السيارة بكل الاوضاع واراقب الحراره واشوف انسب شي ارسى عليه ؟
@@gmc4150السلام عليكم يا عسل انا عندي تاهو 2008 مبرده مدمج مع الرديتر حراره القير داخل المدينه 76-88 وفي الخط توصل ل 95 هل يحتاج اركب مبرد مع العلم ابغى اسافر عليها دولي ما قد جربت امشي فيها وفق 10 ساعات وشكرا
طيب سوال يا اخوان لو اركب مبرد قير لسياره مافيها مبرد قير من الاساس سياره قدمه هل اربط زيت القير دايرك من القير الى المبرد ومن ثم الى القير دايركت او من بعد مبرد القير امرره على المبرد المدمج داخل الراديتر ومن ثم الى القير ؟
ماهو على كل حال .. مبرد القير للسيارات الشواحن التيربو والمعدلة يجب أن يشمل التعديلات لجميع نواحي السيارة فلتر الهواء و بلف الحرارة و حساس البوست ومبرد التيربو ومبرد القير .. والبرمجة وحتى أنظمة الفرامل و العادم الدبات . المشكلة ألي تقصدها من يغير فقط نظام واحد ولا يشمل كامل التعديلات هنا تكمن المشكلة . ثم يجب لتركيب مبرد القير يكون هناك ( بلف صمام ) valve ما يفتح المبرد القير إلا في وقت الحاجة إذا ما هنا حاجة يستمر التبريد العادي . السيارة تعمل كتلة واحدة ونظام واحد متكامل أي تعديل فيه يجب أن تعدل بالآخر خاصة التعديلات الجوهرية التي لها آثار متعديه. بالتوفيق
انا مركب مبرد قير كبير على سلفرادو ٢٠١١ الى الان الحمدلله ما لاحظت ولا مشكله الحمدلله بالعكس .. في الشتاء تكون في الخمسينات والحمدلله مالاحظت ولا مشكله .. اغير زيت القير كل ٥٠ الف تقريبا في السنه مره .. الامور تمااااام وما لاحظت شي
الله يجزاك خير كفيت ووفيت صح ان كلامك يزعل بعض اللي يبيعون مبردات القير وبعضهم يوهمون الناس انهم اذا ماركبو مبرد بيخبط عليهم ويهلون الوضع عشان يمشون بضاعتهم (البعض طبعاً) انا معي سييرا ١٦ له ٣ سنين معي واموره طيبه الحمد لله مع اني فاك الفصله وطلعاتي للبر واجد انا انصح كل شخص ناوي يركب مبرد يكتفي انه يعدل البلف حق القير عند اي محل يشتغل على مبردات القير قله عدل بلف القير تنزل الحرارة ١٠ الى ١٥ درجه تقريبا تصير من ٧٠-٧٥ وهذي الحرارة المثالية للقير 👍 مبرد القير اشوفه ضروري فقططططط للي استخدامه جلد بحت كل مشاويره جلد بجلد طبعا المقصود من الجلد ٢٤ ساعه بالبر ولا ٢٤ ساعه خطوط وانت فاك الفصله وتمشي فوق ٢٠٠ وحاشر نمره وحالتك حاله وسلامتكم👋
@@user-bj4bo5zf1k هي دايم ترتفع بالبر وطبيعي الارتفاع بس انت ماتدري عنه ، لكن اذا ارتفع زياده عن الحد هنا يطلع لك تنبيه بالطبلون ودامه اول مايطلع لك والحين يطلع معناتها المبرد ماهو حل شف سبب المشكله وش هل هو من زيت القير او من نظام سواقتك نفسها تطيح بغراز وماتنسم وتطول على هالحاله فا ترجع لاسباب واجد
@@user-bj4bo5zf1k والله يابو سعد احسب حساب ان البروده الزايده تضر القير بعد فا ان كانك دايم كذا تطيح برباضات ودايم يطلع لك تنبيه بالطبلون هذيك الساعه ركب وركب حجم معقول مو كبير بالحيل
عندي تاهو 2018 وحرارة المكينه عندي توصل 97 هل طييعي او تنصحوني اركب مبرد ابي احد محتص يفيدني لاني احترت واحد يقول ركب واحد يقول خلك ع شد بلد واخاف اركب واندم نبي رايكم ياالربع
