قبل ماتاكل رز أو خبز لازم تشوف الحلقة دي - ما هو المؤشر السكري 

من أكثر الأسئلة اللي وصلتني بعد فيديو ريجيم قاراطاي: أخبار الرز والخبز ايه؟
وقبل ما أجاوب مباشرة حابه أشرح نقطة مهمة وانتوا هتعرفوا الإجابة لوحدكم
فكرة #ريجيم_قاراطاي بتعتمد على حاجتين
- أولا: تناول أطعمه منخفضة في المؤشر السكري.
طب إيه هوه المؤشر السكري الأول
هو مؤشر بيوضح نسبة الكاربوهيدرات في الطعام وبالتالي بيوضح نسبة إرتفاع سكر الدم لما ناخد الأكلة دي .. ودي نسبة السكر إللي بتظهر على الجهاز لما بنقيس السكر في البيت
لما تكون الأطعمة منخفضة المؤشر السكري ده بيخلينا نشبع أسرع ونجوع بعد فترة طووويلة وسكر الدم بيرتفع بنسبه بسيطة ،، وبالتالي الأنسولين هيرتفع برده بنسبة بسيطة
طب وإيه علاقة الأنسولين؟
الأنسولين ليه وظيفتين ،، أولهم إنه يوفر طاقة للجسم من الطعام إللي داخل وبعد مايوفر الطاقة يقوم منتقل لوظيفته الثانية وهيه تخزين الطاقة الزايدة إللي ناتجه من الأكل لدهون في أماكن مختلفة في الجسم عشان نستخدمها وقت الحاجه (زي المجاعة والإضراب عن الطعام)
البنكرياس بيفرز أنسولين حسب كمية الكاربوهيدرات إللي داخلة ،، فكل لما كانت الكارب كميتها قليلة كل لما كان نسبة الأنسولين المفروزة قليل وبالتالي الأنسولين مش هيلحق يخزن أي دهون وفي نفس الوقت البنكرياس بيستريح من ضخ الأنسولين
الأنسولين بيقعد في الدم حوالي 2-2:30 ساعة حسب كمية الطعام والشخص ونشاطه البدني .. وبعده بيتفرز هرمون الكلوجاكون إللي بيوفر طاقة إضافية للجسم من الوقود الاحتياطي إللي في الكبد ودي وظيفته بتستمر حوالي ساعتين
- ثانيا: هرمون اللبتين
لما بنقعد حوالي 4 ساعات بدون أي لقمة هل الجسم بينهار بسبب قلة الطاقة؟
لا طبعا .. في الحالة دي بيتم إفراز هرمون "اللبتين" إللي بيدينا الإحساس بالشبع وإللي بيحرق الدهون المتخزنة في أنحاء الجسم المختلفة عشان يوفرلنا طاقة
لما بناكل أكل منخفض المؤشر السكري إحساس الشبع بيفضل مستمر لأكثر من 8 ساعات ،، فبعد 4 ساعات من أخر لقمة أخدناها بيبدء اللبتين يحرق من الدهون المتراكمة ونخس وإحنا شبعانيين ،، عشان كده في قاراطاي لازم بين كل وجبة والتانية نسيب 5 ساعات على الأقل عشان ندي فرصة لهرمون اللبتين إنه يحرق من الدهون المتخزنة. وكل لما زودنا الفترة كل لما زاد الحرق
بس نقدر خلال اليوم وفي أي وقت نشرب شاي وقهوة وأعشاب (طبعا كله بدون سكر) وماء بليمون بدون مايقف هرمون اللبتين
بعض الأطعمة ومؤشرها السكري (الجلايسيمي) Glycemic Index
المؤشريظهر كمية الكارب الموجودة في 50 جم من الأطعمه وتنقسم لثلاثة مستويات:
من 0 - 55 : منخفض
من 56 - 70: متوسط
من 70 - 100: مرتفع
*** 50 جرام سكر مؤشرهم 100
أ- مجموعة البروتينات تكاد تكون قريبة من الصفر
- اللحوم
- السمك
- البيض
- الزبادي
- الحليب
- العيران
*** السمن البلدي برده تكاد تكون صفر
ب- الخضروات (من 100)
- الكرنب (الملفوف بكل أنواعه)، القرنبيط (الزهر)، البروكلي = 15
- الخرشوف، الكرفس = 15
- الباذنجان، الفلفل (بكل أنواعه)، الكوسة = 15
- الخيار، الطماطم، الخس، الكابوتشا، البصل = 15
- الفاصوليا الخضراء، السبانح = 15
- اللفت (بكل أنواعه) = 15
- الجزر الني = 40 (الجزر المستوي = 70)
ج- البقوليات
- الفاصوليا البيضاء، الفول الأخضر، الباربونيا = 30
- العدس (بكل أنواعه) = 35
- الحمص = 42
- اللوبيا = 50
د- المكسرات
- السوداني، الجوز (عين الجمل)، البندق، الفستق = 15
- الزبيب الأسود إللي ببذر = 20
- المشمش المجفف والقراصيا = 30
هـ- أطعمة مرتفعة ومتوسطة المؤشر
- شراب الذرة = 115
- البيره = 110
- شراب القمح، شراب الرز = 100
- النشا = 95
- الدقيق الأبيض = 85
- البطيخ = 75
- الرز المصري: 85
- الشوفان: 62
- البرغل: 48
- الرز البسمتي: 60
شرح ريجيم قاراطاي: • كل لحد ماتشبع ومن غير ...
ده الجروب إللي بننزل فيه الوصفات وبنتابع فيه: www.facebook.c...
حساب الفيس بوك: / esma.elsherif
الانستغرام: / esmaelsherif1