احنا داخلين أو دخلنا بالفعل على موسم الصيف بفاكهته الجنان اللذيذة المتنوعة الكتيرة فحبيت أوضح بعض النقاط الضرورية اللي تهمنا سواء بتعمل ريجيم او لا
اهم مكون في الفاكهة هوه "سكر الفركتوز" أو مايُعرف بسكر الفاكهة .. وقبل مانتكلم عن سكر الفاكهه دعونا نتعرف على أشهر أنواع السكر
١. سكر الجولوكوز (سكر القصب او البنجر)
بمجرد مايدخل الجسم ويتهضم .. البنكرياس بيفرز أنسولين عشان يروح ياخد الجلوكوز ده ويوزعه على الخلايا ويديها طاقة ..
٢. سكر الفركتوز أو ما يُسمى (سكر الفاكهة)
لحد وقت قريب كان الناس يظنون ان سكر الفاكهه أفضل وأصح من السكر المستخرج من القصب والبنجر على أساس انه من الفاكهة فأكيد هيبقى أفضل وحلاوته مضاعفة ومش بيرفع الأنسولين ولكن دي مصيبة كبيرة.
سكر الجولوكوز بيحفز البنكرياس يفرز أنسولين .. إنما سكر الفركتوز بيدخل يتسرسب كده سكتم بكتم بدون ما حد يحس بيه .. لا هرمون الأنسولين فيتعامل معاه ويتصرف فيه زي مابيعمل مع سكر الجولوكوز .. ولا هرمون اللبتين فنشعر بالشبع. ويعتبر أقل أنواع السكر في المؤشر الجليسيمي (راجع حلقة المؤشر الجليسيمي: • قبل ماتاكل رز أو خبز ل... )
ولا يوجد الفركتوز في الفاكهة فقط، بل إنه يختبئ أيضا في العديد من المواد الغذائية، مثل سكر الدايت والأغذية المعلبة والجاهزة و "كاتشب الأطفال"
طب خلينا ندخل بقى على المصايب اللي ذكرناها في الأول ونبدأ بالمصيبة الأخف
المصيبة الأولى ان سعراته الحرارية قليلة
المصيبة الأكبر
كل السكر تمثيله الغذائي بيتم في المعدة .. الا الفركتوز .. انزيمات التمثيل بتاعته موجودة في الكبد فقط .. يعني ناخد سكر الفركتوز من هنا يتبعت على الكبد عشان يتصرف فيه من هنا وده نفس اللي بيحصل مع السموم .. الجسم مابيقدرش يتخلص منها غير عن طريق الكبد.
طيب احنا أخدنا كمية سكر وعسل واكل جاهز واكل معلب وحلويات وفواكه وكنا بنحلي الشاي بسكر دايت عشان الوزن مايزيدش .. كل ده سكر فركتوز داخل وش على الكبد .. الكبد بيحاول يتصرف في كميات السكر المهولة دي بس مش بيقدر .. ما هو بشر برده .. قصدي ماهو عضو برده وليه حدود .. فبيضطر بعد فترة انه يخزن الفائض ده على شكل دهون على نفسه! انتوا متخيلين احنا خلينا الكبد يضر نفسه بنفسه ازاي ياعيني!!
كل يوم عاملين ناخد في نفس الاكل ونحمل على الكبد
ناخد ونحمل
ناخد ونحمل
لنكتشف بعد فترة ان الكبد اتشمع يعني أصبح كبد دهني يعني الدهون مغطياه تماماً
الفاكهه نقدر نتعامل معاها حسب حالتنا
فلو احنا جسمنا طبيعي وكبدنا نظيف وبنلعب رياضة فنقدر ناخد منها بإعتدال .. وحط تحت اعتدال دي كذا خط .. والاعتدال ده يعني تقريبا ثمرتين فاكهه متوسطين الحجم .. فالفاكهه الصحيحة مثل السم والترياق
فالسم هو سكر الفركتوز
والترياق هي الألياف التي تبطئ من سرعة امتصاص الجسم للسكر الموجود في الفاكهه
اللي راجع حلقة اليوم طبياً دكتور محمد عصام طبيب الباطنة والكلى بجامعة لستر في بريطانيا .. وده رابط قناته:
/ mohamedemansour
#الفاكهة #الدهون_الثلاثية #الفركتوز
10 июл 2019
