٥ أشياء لازم تعرفها قبل ما تتمرن !!! - اتمرن صح 

٥ أشياء لازم تعرفها قبل ما تتمرن !!!
ازاي اتمرن صح ؟ كيف ابدأ اتمرن في الجيم وانظم تمريني صح؟!
دي نصائح للتمرين في الجيم أو لحياتك عموماً محتاج تعرف القوانين دي وتطبقها..
1.متقارنش نفسك بحد
كل واحد فينا له طبيعة جسم خاصة وجينات مختلفة عن التاني، كل واحد فينا له ظروف وبيئة معيشية مختلفة، فمينفعش أكون ببتدي لسه في رحلتي واقران نفسي بواحد سابقني شهور او سنين، او حتى اقارن نفسي بواحد ممكن يكون طبيعة جسمه بتطور بمعدل اسرع مني، لأن مفيش قدامك هنا غير احتمالين لما تقارن نفسك بحد، يأما الإحباط هيصبك وهيخليك توقف تمرين قبل ماتوصل لنقطة التحول الي بتتمناها، يأما لو انت عنيد زي حالاتي الغرور هيصيبك وهيخليك تستعجل الرحلة وتعتل على نفسك في الاوزان والاصابة هتكون من نصيبك ساعتها، ثق في الرحلة تقدم ببطء وثبات وهتوصل يا بطل لا تقلق
2.متسمحش للتكدس المعرفي يصيبك بالتشتت
المغزى من المعرفة هنا هي تزويد بالأساس الكافي لبداية رحلة التمرين والتغذية مش انك تبقى مثقف وخلاص، وهنا بيجي دور المدرب الشخصي او الكوتش بتاع الجيم بتاعك، لو كان بيراعي ربنا طبعا وبيأدي وظيفته مظبوط انه يوفر عليك المرحلة المتخبطة دي، انه يفهم هدفك ويرسملك الطريق المناسب من علمه وخبرته عشان يساعد للوصول لهدفك ده
3.خليك بسيط وركز على البيزكس فقط
خلي لجدول تمرين بالكتير اوي 3 اهداف واضحه ومحددة، ركز على التمارين البيزكس فقط من العقلة والضغط والمتوازي والسكوات، وبعدها ركز على البيزكس من تمارين الباربيل او البار المستقيم من بنش ببريس والشولدر بريس والروز والديد ليفت، التركيز على التمارين الواضحة دي هيساعدك تتمكن من الفورم الصحيح للباترن الي بيتحرك بيه مفاصل جسمك، لما تستمر لمدة 4 ل 6 شهور تقريبا على البيزكس دول ساعتها هتقدر تتمرن تمارين معقدة اكتر بدون ماتأخر تقدمك او مستواك
4.سجل عداتك واوزانك وقييم مستواك فالتمرين
ودي بردو ضرورية جدا لو مكانش معاك كوتش بيساعدك، في التمرين مفيش طريق مثالي، فتجميع الداتا المناسبة من العدات والاوزان الي بتأدي بيها تمرينك هيساعدك على اكتساب خبرة معرفة الطريق الأنسب ليك
5.لا تجعل هدفك الأول من التمرين هو الشكل الجسدي
تخيل انك بدأت تمرين ودايت مظبوط اوي وبقيت خلال 6 شهور بس اجمد فورمة في العالم، ايه الي هيحصل لو كان هدفك الوحيد ساعتها الشكل الجسدي اكيد هتوقف او هتفقد جزء من الشغف لسعيك اتجاه التمرين، اما علعكس لو كان هدفك واضح ان التمرين هو الحاجة الصح الي مفروض تعملها وتستثمر فيها سنين حياتك عشان تلاقي نتيجتها لما تكبر في السن، فصدقني الشكل الجسدي هيكون نتيجة طبيعية جدا للمايندسيت او العقلية دي، فركز على اول 6 شهور انك تستمر على التمرين وتخليه جزء من حياتتك وأول ماتتم 6 شهور ابدأ ركز على النظام الغذائي بتاعك لمده 6 شهور كمان بجانب تمرينك
شوف الڤيديو لتفاصيل أكتر ✅ ✅✅✅
------------
🟢ڤيديوهات أخرى 🟢:
⬅️ كيف تستمر وتواظب على التمرين:
• حل عدم الاستمرارية على...
⬅️كيف تجعل التمرين عادة:
• كيف تجعل التمرين عادة ...
لو عندك أي سؤال أو اقتراح لڤيديو جديد اكتبلنا في التعليقات 👇🏻
-------------------------------------------------
⬇️⬇️⬇️⬇️ للتدريب الأونلاين ⬇️⬇️⬇️⬇️⬇️
🟢 تفاصيل برنامج أفلاطون التدريبي :
‏forms.gle/a9gt...
--------------------------------------------------------
‏Icons I used:
‏www.flaticon.com/
----------------------------------------------------
للتواصل، تابعونا على:
‏Facebook: / aflaton.gym
‏Instagram : / aflaton.gym
‏TikTok: www.tiktok.com...