દેવસૂતી એકાદશીને દિનાનાથ સૂઈ જશે
લાગે છે કે સૂવાનું એ નાટક કરતા હશે
સૂરજ ને ચાંદ તારા ધરતી ને નચવતાં
ધરતી ઉપર જીવ જંતુ સૃષ્ટિ ને રમાડતાં
સૂઈ જશે તો સૃષ્ટિ નો ચાક કેમ ચાલશે
લાગે છે કે સૂવાનું એ નાટક કરતા હશે...
માનવ ના હૃદયમાં તબલા વગાડતા
દેહ કેરી નાડીઓમાં બંસરી બજાવતા
સૂઇ જશે તો નયનોમાં તેજ કોણ પૂરશે
લાગે છે કે સૂવાનું એ નાટક કરતા હશે...
ઋષિઓનાં કામ જોઈ ચેનથી સૂતા હશે
ઉગાડી અન્ન એ તો બીજમાં છૂપ્યાં હશે
કામ કરી યશ ખુદનો દેવ પોઢ્યા હશે
લાગે છે કે સૂવાનું એ નાટક કરતા હશે...
કામ જોઈ માનવનું ઈશ્વર પોઢ્યા હશે
સૂતાં સૂતાં માનવીના ખેલ એ જોતાં હશે
જાગશે તો કામનો હિસાબ સૌનો માંગશે
લાગે છે કે સૂવાનું એ નાટક કરતા હશે...
દેવને સૂવાડી ચાલો કામે એના લાગીએ
"દાદા" નાં તાલ સાથે તાલ ને મિલાવીએ
યોગેશ્વર કામ જોઈ જીવનમાં નાચશે
લાગે છે કે સૂવાનું એ નાટક કરતા હશે...
#Vasantben
#કીર્તન
#Vasantben_Nimavat
#Gujarati_Kirtan
#Gujarati_Traditional_Kirtan
#Gujarati_Bhakti_Geet
#Satsang_Kirtan
#Bhajan_Kirtan
#વસંતબેન
#વસંતબેન_નિમાવત
#સત્સંગ
#ગુજરાતી_કીર્તન
#ભક્તિ_સંગીત
#Lilivav
#લીલીવાવ
25 авг 2024