இரண்டே சொற்களில் வாழ்க்கையையும் வரலாற்றையும் பாடல்களில் பதிவிடும் ஆற்றல்மிகுந்த திரைப்படப் பாடலாசிரியர் ஏ.இரமணிகாந்தன் அவர்கள் இந்த குறும்படத்தில் ஒலிப்புமுறையிலும் நுணுக்கத்தை வெளிப்படுத்தியுள்ளார். அதற்கு கலைசங்கர் அவர்களும் ஈடுகொடுத்துள்ளார். இருவரின் நடிப்பும் மிகவும் பாராட்டுக்குரியது. இயக்குநர் நாகலிங்கம் அவர்களின் படைப்பாக்கப் பங்களிப்பு சிறப்பிற்கும் நன்றிக்கும் உரியது. புகழ்பெற்ற ஒளிப்பதிவாளர் நல்லுசாமி அவர்களின் மகனார் சுராஜு நல்லுசாமியின் தேர்ந்த ஒளிப்பதிவும், மாருதி அவர்களின் கலையெழில் மிகுந்த படத்தொகுப்பும் போற்றுதலுக்குரியது.