ONE.COM.MT • Fil-Parlament, il-Prim Ministru Robert Abela qal li l-mexxejja Ewropej m’għandhom jinqatgħu qatt mill-prijoritajiet tan-nies. Dr Abela qal dan fi stqarrija ministerjali wara l-Kunsill Ewropew, li sar il-ġimgħa l-oħra.
KITBA: EMAN PORTELLI
FILMAT: PARLAMENT / ARKIVJI
Fi Stqarrija Ministerjali, fil-Parlament, il-Prim Ministru Robert Abela jħabbar li l-President elett tal-Kunsill Ewropew Antonio Costa se jżur pajjiżna biex tkun diskussa l-aġenda ġejjiena tal-Unjoni Ewropea.
“Ma ninqatgħu qatt mill-prijoritajiet tan-nies.”
Dan intqal mill-Prim Ministru Robert Abela, waqt Stqarrija Ministerjali li għamel fil-Parlament, it-Tlieta waranofsinhar.
r Abela kien qed jitkellem dwar il-Kunsill Ewropew li attenda għalih il-ġimgħa l-oħra.
ROBERT ABELA
IL-PRIM MINISTRU
“Huma x’inhuma ċ-ċirkostanzi, pero, nemmen li ma nistgħu ninqatgħu qatt mill-prijoritajiet tan-nies.”
Dwar l-għażla tal-ogħla mexxejja tal-Unjoni Ewropea, il-Prim Ministru sostna li fl-irwol tiegħu hu jemmen li f’dawn id-diskussjonijiet iridu jkunu kkunsidrati r-riżultati tal-elezzjonijiet fil-Parlament Ewropew u l-bilanċ ġeografiku.
Dr Abela tenna li hu se jkompli jgħaddi l-messaġġ ċar li l-Unjoni Ewropea trid tagħti importanza lill-Mediterran. Intant, il-Prim Ministru Abela ħabbar li l-President tal-Kunsill Ewropew elett Antonio Costa se jkun qed iżur pajjiżna fil-ġimgħat li ġejjin.
Il-Prim Ministru qal li l-ħatra ta’ President tal-Parlament Ewropew mhix parti mill-funzjonijiet tal-Kunsill Ewropew. Qal ukoll li ma jaqbilx ma’ wħud mill-pożizzjonijiet li ħadet Roberta Metsola, iżda jibqa’ konsistenti mal-prinċipju li barra minn xtutna, hu qatt ma jkun kontra Maltin bħalu.
Dwar it-tema tas-sigurtà u d-difiza, semma l-qbil li kien hemm bejn Ursula von der Leyen, Charles Michel u Volodymr Zelensky, iżda tenna li r-realtajiet ta’ Malta huma rrispettati.
ROBERT ABELA
IL-PRIM MINISTRU
“Il-punt tar-rispett lejn il-politika ta’ stati membri bħal Malta jissemma darbtejn mill-aktar ċar. Dan apparti li fuq livell ta’ Kunsill għandna wkoll is-serħan il-moħħ li providementi ta’ dan il-ftehim mal-Ukrajna biex jinbidlu jkunu jeħtieġu qbil unanimu tal-Kunsill Ewropew kollu.”
Fil-Parlament, il-Prim Ministru Robert Abela qal li l-mexxejja Ewropej iridu jingħaqdu kontra l-gwerra, biex ikun hemm il-paċi. Hawnhekk semma l-politika tal-inċentiv favur in-nies, waqt li sostna li l-Gvern għandu pjan ċar biex pajjiżna jilħaq l-miri fiskali. Dr Abela għalaq id-diskors tiegħu billi awgura lill-Membri Parlamentari Ewropej li ġew eletti f’isem pajjiżna, waqt li għadda dan il-messaġġ.
ROBERT ABELA
Antonio CostaIL-PRIM MINISTRU
“L-appell tiegħi lilhom jibqa’ li jġibu dejjem l-interess ta’ Malta l-ewwel u qabel kollox. Jien hekk se nibqa’ nagħmel f’kull ċans li jkolli, f’kull opportunità li jkolli li nirrappreżenta lil pajjiżna, barra minn xtutna.”
1 июл 2024
