Huu ni muonekano wa Daraja jipya la kisasa WAMI ambalo linaunganisha mikoa ya Dar es Salaam, Pwani pamoja na Mikoa ya Kaskazini na limeanza kutumika rasmi October 27, ambapo Waziri wa Ujenzi na Uchukuzi Prof. Makame Mbarawa alikuwepo kushuhudia magari yakianza kupita kwa mara ya kwanza.
Daraja hili ambapo linakwenda kuwa tija kwa takriban miaka 120 ijay, utekelezaji wake wa mradi huu umefikia asilimia 96 kwa ujumla, asilimia 99 kwa maendeleo ya kazi za Daraja na asilimia 93 kwa maendeleo ya kazi za Barabara unganishi.
Akikagua Daraja hili lenye uretu wa Mita 513.5 na upana Mita 11. 8 pamoja na Barabara unganishi KM.3.8 ,Waziri Mbarawa amesema litafungua uchumi na maendeleo ya Wilaya ya Bagamoyo , Mkoa wa Pwani na Nchi kijumla.
Daraja hili linategemewa kupunguza kwa asilimia kubwa ajali za mara kwa mara zilizokuwa zinatokea kwenye daraja la zamani ambalo lilikuwa jembamba na lenye Barabara zenye miiinuko mikali.
Ujenzi wa Daraja hili jipya una lengo la kutatua changamoto zitokanazo na daraja la zamani ambalo kwa sasa halikidhi mahitaji ya magari yanayopita kwa kuwa lilijengwa miaka 63 iliyopita (mwaka 1959) .
27 окт 2022
