لو بتعاني مع حجم عضلة الباي عندك ف أكيد عندك مشكلة في طريقة تمرينها، يأما بتمرنها أكتر من اللازم ودا بالتالي بيأثر على استشفاء العضلة، يأما بتمرنها بشكل كافي بس عندك مشكلة في نوعية التمارين االلي بتختارها أو طريقة عمل التمارين دي أو حتى عدد التكرارات والمجموعات اللي المفروض تمشي عليها عشان تحقّق أقصى تحفيز لبناء العضلة. في الفيديو دا هقولك إزاي تمرّن الباي بشكل علمي وعملي عشان تقدّر تشوف نتيجة، وهقولك عدد المجموعات والتكرارات وشويّة نصايح إضافيّة هتساعدك في تحقيق أقصى استفادة من تمرينك. لو استفدت من المعلومات اللي هقولها في الفيديو ياريت تعمل لايك عشان تساعد القناة والمعلومات اللي بقولها، ولو مشترك اتشرف بمتابعتك. ودلوقتي يلا نبدأ.
أول وأهم حاجة لازم تعرفها هي الشكل التشريحي لعضلة البايسيبس، كلمة باي معناها مزدوجة وسيبس معناها رؤوس وترجمة باي سيبس هي الرؤوس المزدوجة، ودا لإن الباي بتتكون من رأسين، رأس طويلة ودي الراس الخارجية ورأس قصيرة ودي الراس الداخلية.
طيب طويلة وقصيرة على أساس ايه، على أساس منشأ العضلتين، الرأس القصيرة أو الداخلية منشأها لوح الكتف بس من عند منطقة الأبط، أما الطويلة أو الخارجية فمنشأها باردو لوح الكتف بس منشأها اعلى من الراس الفصيرة وبتمر بمفصل الكتف. ف إذًا وضعية كتفك ليها دور كبير في زيادة التركيز على رؤوس الباي، سواء الداخلية أو الخارجية.
عشان كدا لازم تمرين الباي بتاعك يكون متنوع بين التمارين اللي وضعية الكتف فيها بتكون قدام الجسم، وورا الجسم.
-----------------------------------------
#بايسيبس
#تمارين_بايسبس
26 авг 2024