ازاي ابطل احب واحن للنرجسي وافكر فيه بعد الانفصال ؟.... كوثر سند 

ازاي تتخلصي من احساسك انك متعاطفة مع النرجسي او بتحبيه ولسة بتجتري الذكريات الحلوة معاه بالرغم من انفصالك عنه ؟
١- اول حاجة دكتور كارتر قالها كوني امينة مع نفسك في نظرتك للعلاقة ، فكري كدة هل دي اصلا علاقة ، هل انتي شايفة ان فيه تفاعل في المشاعر بين طرفين ولا دة زي مابيقولوا حب من طرف واحد ؟ هل انتي شايفة ان دي كانت علاقة حد ممكن يبقى عليها ويفكر يستمر فيها؟
٢- بطلي تلتمسي اعذار وتبرري تصرفاته المؤذية لكي كل ماتفتكري له حاجة وحشة في وسط الذكريات الحلوة اللي مستحيل حتخلوا من ذكرى سيئة انتي بتفضلي تبرريها وانتي بتجتري ، فكري صح وشوفي هل انتي كان ممكن تعملي اللي عمله دة وحتكوني مقتنعة انه له مبرر ؟
٣- لازم تتكلمي مع حد عن اللي كان بيحصل في العلاقة دي وعن تصرفاته معاكي عشان لما حتشوفي التعجب والاستغراب من الناس حتبدأي تفوقي شوية وتفهمي انه كان اسوأ مما تتخيلي
٤-اسمعي لمشاعرك ، ودي قلتها لك في اكتر من فيديو اسمعي مشاعرك واتعاملي معاها وحاولي تجدي حلول لها ومتكبتيهاش لان كبتها حيخليكي عادي تقبلي اللي مستحيل اي حد سوي يقبله وكمان تبرريه
٥- اسألي نفسك سؤال مهم جدا : اذا حد انتي بتحبيه حكى لك ان اللي بيحصل معاكي دة بيحصل معاه هل حيكون رد فعلك هو هو برضه من تبرير والتماس اعذار لشريكه ولا رأيك حيختلف ساعتها
دكتور راماني بقى كلامها اوقع وعجبني اكتر بس انا حبيت اجيب لكم اكتر من رأي
١- لما تلاقي نفسك مستغرقة في التفكير فيه قومي من مكانك واكسري دايرة التفكير دي امسكي موبايلك كلمي صديقة مساندة لكي بس مش عنه او ادخلي المطبخ اعملي اي حاجة المهم قومي من المكان واتحركي عشان تكسري سلسلة الافكار دي، افتحي الشباك او البسي واخرجي شمي هواء طبيعي بتاع ربنا ، غيري المنظر ، انزلي اشتري اي حاجة
٢- اخرجي اعملي اللي كان بيمنعك تعمليه عيشي الحياة الطبيعية اللي كنتي محرومة منها عشان تستشعري الحرية اللي بقيتي فيها ، انتي كنتي ممنوع تعملي اي حاجة في الحياة دلوقتي تقدري تعملي اي حاجة انتي عايزاها ( في حدود رضا ربنا طبعا)
٣- اشغلي عقلك باي شكل لازم تشغلي عقلك بحاجة تقارب مشغوليته بالنرجسي اثناء العلاقة لازم مخك يتسحل زي ما كان مسحول معاه شوفي اولادك وحلي مشاكلهم وحاولي تقرأي في علم النفس عشان تعالجي اولادك من اللي عمله فيهم ، دوري على شغل ، ادرسي ، لازم تشغلي عقلك عشان ماتفتقديش الانشغال بالنرجسي اللي كنتي فيه اثناء العلاقة
اعملي تمارين اليوجا والاسترخاء دي بتفيدك في انك تقدري تتحكمي في انك توقفي الافكار اللي مش عايزة تفكري فيها (شوفي الكلام دة ع اليوتيوب)
طيب انا حقولك بقى طريقة بتاعتي طبعا كنت قرأتها زمان مش اختراعي يعني بس مش فاكرة فين قرأتها بس بستعملها كتير مع الحالات وبتجيب نتيجة هايلة
هاتي ورقة وقلم بس ورقة كبيرة شوية ! كشكول مثلا ؟ ايوة كشكول واكتبي فيه كل المواقف السيئة اللي تفتكريها حصلت لك وانتي معاه وكل التصرفات والاهانات والتلاعب والجاسلايتينج والاتهامات وكم مرة خذلك فيها وكم مرة تخلى عنك وانتي مريضة ولا لما حد عزيز عليكي مات وكام مرة قهرك وخانك وكام مرة وقع بينك وبين اولادك ، اكتبي انا لو قعدت اكتب لك عشان افكرك مش حخلص انتي بقى كل يوم تقعدي تكتبي شوية وخليكي امينة واكتبي بدون ماتحسني الصورة ولا تبرري ، اكتبي الموقف زي ماحصل بالظبط ، ولما تخلصي خالص خليه جنبك عشان اكيد كل شوية حتفتكري حاجة كنتي ناسياها ، وحطي الكشكول دة تحت مخدتك طبعا لو النرجسي مش معاكي في نفس البيت اما لو معاكي لازم تخفيه تماما اوعي يشوفه . المهم قبل ماتنامي لازم تقري شوية كتير من الكشكول كل يوم تقرأي منه لو تقدري تقرأيه كله يكون احسن . بس مش محتاجة تعملي اي حاجة تانية عشان تكرهييه المهم بس الموضوع مايتطورش معاكي وتحاولي تعملي فيه حاجة ،
طبعا سلسلة التشافي مهمة جدا وتظبيط الهرمونات حيساعدك جدا جدا في الموضوع دة
اكونت الفيس بوك
www.facebook.c...
جروب ادرس عدوك النرجسي
/ kawthersanad11