السلام حبيباتي من خلال التعليقات شفت أنكم حابين تعرفو وش من ريجيم كنت نتبع دووون مبالغة كنت ناكل الموجوووود لكن نحيت الحلويات بشكل نهائي يعني ملعقة صغير سكر في اليوم تكفي . والعجائن نقصت منهم كذالك . صباح كنت نشرب الحليب دون سكر مع حبة صغيرة قاطو ولا ديري معاه ملعقة صغيرة سكر وتاكلي قطعة صغيييرة كسرة كيما أربع أصابع فقط . الغذاء . على حسب الموجود مثلا صحن شربة فريك مع قطعة صغيرة كسرة مع سلاطة متنوعة . وقت العصر ناخذ فاكية ولا كاس حليب بلا سكر العشاء نحاول نقدمو قدر الامكان ندير سلاطة متنوعة ولا شربة وحدها دون خبز .وأحيانا يكون عشاء مشخشخ .مثلا شخشوخة .ناكل 3 ملاعق وقطعة الدجاج أو اللحم و السلاطة وتشربي الماء بزاف راح تشبعي . المهم أنا والفت هذا الرتم و المعدة تاعي تعودت على هذا المقدار .. المهم حوالي شهر من الريجيم ظهر الفرق وكذالك لازم الكوراج لأنو الأيام الأولى صعبة ولكن بمجرد يفوت أسبوع راح تتعودو .
خاوتي لي حب ريجيم نصيحة حبس ڨاع الخبز بكل انواعه معنتها دقيق بكل انواعه . و زيت . زيت زيتون مسموحة . و حبس سكر . وشرب بزاف الماء . وربي يوفقكم ان شاء الله
يا لبنات مانقولوش رانا ماشين نعملو الريجيم يزيد غلشهية اللهفة على الأكل الجوع عاود تفشلوا لكن قرروا من اليوم غذاء صحي مع نقص الكميات شيءا فشيءا مع صوم الإثنين والخميس والمشي او الرياضة لكن لازمكم تصبروا حتى يعطيكم نتاءج هاءلة والوزن الي خسرتوه ماعادش يرجع
الريجيم الجيد اكون الطبائع والامزجة تاع الانسان او بالاحرى حسب فصائل الدم .هناك من يأكل ليل نهار ولا يزيد وزنه وهناك من الشيء القليل تجده ينتفخ .وهناك من لديه احتباس للسوائل .والشيء المتفق هو ترك السكريات والدقيق الابيض والزيوت المهدرجة وكثرة اللحوم والاعتماد على خضر وفواكه محلية وموسمية مع الحركة والنوم المبكر واستعمال مكملات غذائية مثل خل الاترج وبذر الكتان وشفى الله الجميع
انا درت ريجيم حبطت 30 كيلو في 7 اشهر لكن اختي انصحك ان تستغني عن لحليب وكثري من ماء وشربة القرعة مع صدر دجاج ولماء الساخن حتى طيب لقرعة ورحي واتعشاي قبل 19 تع عشية تحبطي مشاء الله مع يغورت طبيعي وموفقين جميعا
كان لعبتي سبور كان هبطتي 4 كيلو 😚😚😚😚مرسي انا معولة نديرو وغير صباح كنت نخمم فيه زدتي درتيلي كوراج ضرك نجربو ونقلكم نتيجية وزني 74 نتلقو بعد 3 ايام سلام ✌💋
انا ننصح اي وحدة حبت تجرب الرجيم تخدم ياوورت طبيعي في الدار والله فرق كبير على لي تشروه هاذام يجي حامض بصح تاع الدار يجي حلو وبنين وكاين في يوتوب عدة طرق باش يتخدم
جربتو و نقصت 3 كغ فخمس ابام مع الالتزام الكامل بالحمية حبة بطاطا على الفطور مع بواط يلوورث طبيعي و على الغداء حبتين مع بواط ياوورث طبيعي و العشاء ياوورث طبيعي مع عصرة ليمون الجوع مكاش طوال مدة الرجيم لكن العطش قاوي كنت نعطش و نشرب بزاف
@@rosarose8445 بحال المغرب بحال الجزائر الله احفضك اختي انا ديما كندوي معا ناس الجزائر من أطيب خلق الله انا معرفت علاش أغلبية الناس كيبقاو اتعيرو مع بعض الله اهدي خلق الله
الجسم مستحيل متاكليش ملح وطبعا بكمية قليلة انا جربت وكنت ندوخ نحس الموت دخلت جسمي مضر هد الرجيم بلا ملح انا جربتها بلا ملح وبالملح ونقصت فالميزان نفس الشيء نصيحتي هدي واسفة
السلام عليكم حبوبتي ام تسنيم اللهم أصلحنا🌷🌷 وأصلح بنا واستخدمنا ولاتستبدلنا🌹🌹 ولاتجعلنا ممن إستهوته الشياطين فشغلته بالدنيا 🌼🌼عن الدين فأصبح من النادمين وفي الآخرة من الخاسرين🌻🌻ربي يحفدك على كل مجهوداتك 😘😘
ياحنونة واش راكي تاكلي هو ليكنت ناكلو قبل الريجيم لبنات اخطيكم من هدو الريجيمات تاع خمسة كيلو ولا عشرة كيلو في أسبوع اخاطر الكيلوات لي يروحو بلخف يوليو بلخف انا قررت نغير أسلوب الحياة و نعيش بأسلوب صحي نعيش بيه حتى نموت ماشي برك باه نشيان مي الصحة نحيت السكر لا مغرفة لا نص مغرفة نحيت الحلويات التقليدية ولا الأخرى الفرينة السميد الروز لي بات بكل أنواعها وقللت من الفاكية و المقالي راكم تقولو واش راكي تاكلي كلش كلش ومانجوعش اللوبيا الحمص العدس مانكترش منو بزاف يطلع سكر الدم و كيطلع سكر الدم يتوقف الحرق الخضار بكل أنواعها نديرها طواجن بالجاج باللحم بلاش نكتر من الشلايظ سخونة باردة نبدأ بها هي لولة نص شبعة ونكمل بالباقي صباح نشرب قهوة حليب بالحلويات الصحية بلا سكر بلا فرينة خبيزات صغار نديرهم بالشوفان البارح فطرت بقاطو الشوكولاته درتو بالفول المدشوش الكاكاو وشوية دقلة باش نحليه ماتامنوش رواحكم في العاصر ناكل نهار تفاحة ونهار انجاص ونهار رمانة قبل المغرب بشوية ناكل ياوورت ناتير مع رفعة قرفة وعصرة قارص ستة أيام وانا هاك ويوم الجمعة نهار الفري قهوتي صباح هي هي إلا إذا درت براج أو نوع من أنواع الرفيس نجوز بيهم للغذاء إذا درت طعام تاعي نفور تاع القمح ولا شعير وناكل بزيادة ولا شخشوخة ولا اي طبق تقليدي واحد آخر ناكل ستة مغارف لعشية نشرب حليب والعشاء الياوورت نقصت 52 كيلو ومازالنى على هذا المنوال ونوصيكم كيتبداو تنقصو في لول بلخف امبعد توليو بالشوية وهداك هو الصح ولي يدوم ماتوزنوش روحكم دايما ما تثيقوش بزاف في الميزان شوفو لاتاي تاعكم كي تنقص امبعد نعطيلكم قنوات ايديرو اكل وخاصة حلويات وين التحلية تكون بالموز التفاح العسل الحرة الدقلة
راكي غالطة اختي كل جسم واش يحتاج سعرات مثلا انا احتاج 1500 سعره لحرق كيلو في الاسبوع اما شخص اخر ممكن يزيد ممكن ينقص كاين موقع يحسب كم سعره يحتاج الانسان باه ينقص يزيد على كمية نتاعك او ينقص
اختي انا ام لولدين درت هذا رجيم نقصت كولي كلش عادي مي متكثريش ونحي لحلويات مع شوي صبور لعشية نص ساعة والعشاء صلاة ولا فواكة فقط والله تلقاي نتيحة عن تجربة
من فضلك أختي سقسيتك و ماجوبتينيش هل ممكن تعويض الياوورت الطبيعي بالبتيسويس، و ثانيا بعد ريجيم البطاطا الذي مدته 3أيام واش من ريجيم نزيد ندير لأنو أريد إنقاص 30كلغ من فضلك جاوبيني(أم كريم)
نعم عوضي البتيسويس المهم مايكونش محلى وبعد هذا الريجيم .نقصي فالأكل تاعك كل حاجة كولي منها زغبة بلا شبعة .ونحي الحلاوة نهائيا .والعجائن كولي حاجة قليييلة
Je conseille necherbou 3la ma3ida fargha eau tiède+1 cuillère a café de miel a jeun hada ysa3ed 3la her9 w ki ndirou yawm machroubet neketrou min ma (eau ) tisanes w thé (chay) w lakin 9ahwa (café) necherbou pas plus de 2 tasses par jour parceque 9ahwa bezaf temna3 el har9.
