هذا الجيب جمع المعادله المستحيله الثقل وقوه الاجتياز هذا من جهه ومن جهه اخرى الثبات والراحه بالمقابل صلابه اسطوريه لامن حيث المحركات ولامن حيث العضلات حقيقه لايقارن سياره لاتصينها لاتسمع باللي يقول صيانه فقط غير زيت زود ماء وقماشات وبواجي عند الحاجه فقطط لاغير وبالنسبه للتعديل ايضا لاتعدل خله على وكالته احسن حتى نظام التعليق حقيقه من ارووع مايكون لاكن بشرط وهذا شي ضروري جدا وهو انك تبدل حجم الكفرات اقل حجم مثل حجم البالون ٩٠٠على ١٦ هذا اقل شي ولو ماكبرت الكفر بتكرهه لانه ضخم وعريض وثققيل فبالتالي يحتاج كفر كبير يشيل السياره وبالنسبه للي يقارن فلازم يعرف وهذي حقيقه ان سيارات تيوتا باختلافها تغر مستخدمها مبدايا وخاااصه الافجي يخوان حنا جربنا ونعرف زين الفرق ، مبدايا على الشارع فقط انطلاقه الافجي اقوا واخف وتغتر فيه وتشعر ان النيسان عنده ولاشي لاكن اذا ماجينا للاستخدام البري بكل انواع التضاريس وخخاااصه الاماكن الوعره وممكن تستغربون فرق قوي جدا النيسان والله جريمه مجرد المقارنه حرااام ان مافي اي وجه شبه اطلااقا جيب النيسان الفتك جيب حقييقي مو هياط بالرغم من ثقله يمشي ممشا عجيب ويتحمل تحمل بالارض الحجريه خاصه التماسك اسطوري اتركني من الديكورات اتكلم عن القطع الميكانيكيه كل مشدشد صحح ومكينته قوتها بالعزم ليس بالانطلاق لذلك بالخط يضهر تفوقه لان مكينته مكينه قدره اعتبرها مكينه غضوبه تغضب عند التحديات بعكس التيوتا ادنى شي تخنع وتخذل صاحبها والله يعينك عاد على روائح الكلتش للاسف مكاين وقيور ودفرنسات جيوب تويوتا لم تعد كما في السابق اصبحت للاسف كانها محركات تكاسي خفيفه نفس لاكن ضعيفه ورقيقه 😖 اتكلم مقارنه بالنيسان والا فمقارنه بسيارات اخرى تعتبر فوق الممتاز بل ممكن تعتبرها الافضل اما النيسان فصلابته تقارن بسيارات الثمانينات والتسعينات نفس طريقه الصناعه مصنوع من الحديد الثقيل والصلب لذلك تجد انه يشرب بنزين وفيه ثقاله على الشارع
اشتريت النيسان مكسيما ٢٠١٠ وكاله والله بعتها تشليح بسبب حادث قبل سنة وراحت تالف وكانت ماشية ٨٧٠ الف اشهد بالله انه موتر وعملي للي يقدر السيارة ويحافظ عليها وافكر اشتري وحده جديده
@@i_3mro انا كان معي التيما اربعة سلندر ٢٠١٠ وبعتها قبل ٩ شهور قريب ممشى ٥٠٠ الف ما شاء الله محرك وجير شد بلد ما تغير ولا خرب الحمد لله . نيسان والفاخرة انفنتي شركة جبارة
@@samimohammed9456 كلامك بما يخص القطع غير صحيح اطلاقا قطع الباترول اتكلم عن الفتك متوفره بكل مكان بل ومتكدسه بالاسواق والتشاليح ملياانه من هذا النوع وبالنسبه للاسعار من تجربه ومقارنه بمثيله الشاص والربع التويوتا يتضح ان النيسان ارخص بفرق اتكلم طبعا عن القطع الاستهلاكيه القابله للتغيير مثل القماشات و البواجي وغيرها الاسعار ارخص وعمرها الافتراضي اطول ،الشي اللي قليل يعرفه من الناس ان الفتك كان فيه مشاكل اول تنعد على الاصابع جميع هذه المشاكل تم حلها بعد عام ٢٠١٢ او ١٣ اصبحت سياره تقريبا كامله وبشكل عام الفتك لايحتاج لصيانه فقط قماشات بواجي سيور و غير سيفون مع زيت كل ٥ او ٧ الاف ونظف فلتر الهوا وصفايه البنزين ان كان لابد فغيرها كل ١٥٠ الف اضمن لك كذا انه يبي يطق معك فوق ال٥٠٠ الف بالراحه بس شرط انك تخليه على وكالته وماتعدل خصوصا بما يتعلق بالكهرباء وايضا عدم العبث بكمبيوتر السياره يترك على برمجه وكالته افضل واسلم
الله يسعدك وين ماكنت ❤️ الجميل بالموضوع انك تتكلم وفاهم ومجرب ماشاء الله تبارك الرحمن ❤️ اتحفنا بالمعلومات ولا تبخل علينا ولا تنسى حقين الباترول تحت ٩٧ عطنى فايدة 👌
اسستمر يابطل والله اني حبيت الفتك اكثر واكثر مع اني راعي لاند وفيه اشياء كثيره كنت اجهلها بالفتك وانشهد انه موتر مايختلف عليه اثنين لاجاك نظيف وانت محافظ عليه يكمل معاك مدى الحياه♥️ وبنسبه لي جربت الفتك القديم والجديد الجديد اشوفه كشخه اكثر من الاند ماشاء الله ♥️😹.
عندي مشكله الله يرضى عليك موتري نفس موترك والمشكله السيور ياترتخي او تقطع او ينطلق وزنته و سير وكاله وغيرت المكرات وسويت كلش الى الان كل شهو تقريباً اغيره
انت انسان مبدع واما من ناحيه التحمل ف الفتك والربع معروف الفتك انه افضل وأكثر تحمل وهذا هو الواقع لاكن فيه ناس ماهي مقتنعه وكلامك سليم ميه بالميه لاكن فيه ناس عنصريي لاتاخذ كلامهم واستمر ❤️❤️
سواء مكاين البخاخ او الكابليتر للباترول4500 نبي شرح والعيوب والميزات (نعرف الفتك بالقوه )شي اكيد )نبي الفئات الباترول مكاين4500 سواء قير العادي او الاوتو وش يفرق فيهم
ابوراشد صبحك الله بالخير او مساك بالخير متا م تشوف التعليق سوالي عن الحلقة السابقة عن القواطع الفتك يقطع على 5500 في ناس معه فتكات و معدلين و مبرمجين يقولون تقدر ترفع ل 5600 او 5700 على طرمبة الوكالة و بكرة الكرنك الوكالة هذا الحد الاقصى او بعده تدخل مرحلة ان المكينة تطق هل هذا صحيح تقدر ترفع القاطع على قطع الوكالة بدون تعديل ولا ثابته 5500 ؟
لحد يقول الفتك بل جنوب مايصلح اسال مجرب وكم مره انا اقول لك ال ٤٨٠٠و٤٢٠٠ والله وحوش خطوط رمليه ومقطوعه من الامطار وتبارك الرحمان وباقي الجيوب ماطلعت ومعروفه
وعندي ملاحظه على كلامك في زيت الاكسل الخاص بالدبل والقير والدفرنس اذا كان نظيف غيره واذا كان منهي لاتغيره الموضوع طويل ولا يوجد له نهايه ولكن المختصر المفيد انه مايتغير الا وهو نظيف جدا او مستهلك بشي قليييل فقط
اذا صار لونه محروق يجب التغيير مهما كان ويكون الاستخدام بعد التغيير مشي هادي … اذا تحول الزيت لشحم في هذي اللحظة انت بالخيار تغير او لا … عموما كارونة الفتك اللي جات مافيها كلتشات ماعندك مشكلة … المشكلة من كارونة الكلتشات .
الله يوفقك يابوراشد فعلا مميز ونصوح بيض الله وجهك. ومن متابعيك ومعجب بطرحك🌹❤. استفسار بما انك محب ومؤيد للهدرز ودايم تمدحه 😁 هل اذا ركبت هدرز يصير فيه تذبذب في الاربي ام او تاخير فالتشغيل وياليت تصور لنا لحظة التشغيل مع تصوير الار بي ام. بحكم ان دبة الاكسجين انشالت وهل حساسين الاكسجين اللي واحد قبل الدبه وواحد بعدها يحتاج لهم اعادة برمجه بحكم ان القراءه تغيرت عليهم وهل فيه اشكاليه بالصرفيه او برمجه الموتر بحكم ان الهواء الخارج من المكينه اصبح اكثر من الداخل وتغيرت الحسبه بحكم انك ماغيرت الفلتر ولابرمجت الموتر وانا ضد البرمجه مثلك جزاك الله خير على امانتك لك اني اعجبت بطريقتك اللي هي هدرز بدون فلتر ولا برمجه . هل لاحظت فرق بعزم الموتر يستاهل فعلا. وهل لاحظت انخفاض بالصرفيه البنزين. وهل اقدر اركب هدرز كامل الى فتحة خروج العادم بدون دبه الكترونيه يعني دبه مقفله كأنها وكاله لكنها تكون مفرغه اوكبيره المهم انها تسمح بخروج الهواء بانسياب وصوت طرب ع خفيف بدون ازعاج لاني ماحب الازعاج ابغاه قريب جدأ من الوكاله بس فيه نبرة طرب ع خفيف😁 ووش الدبه ونوع الهدرز اللي تنصح به ستيل والا مخلوط المونايز يقولون ينشعر وهل هو يجي قطع كامله بدون لحام لاني ماحب اللحام واكرهه يفك مع المطامر. موتري فتك صالون قير عادي ٢٠١٦ الله يسعدك ويبيض وجهك ياليت توضح لنا ووش نصيحتك رحم الله والديك.
ابو راشد الله يسعدك بشطح عليك بسؤال انا عندي صالون 93 4200 كبليتر، وش احتاج عشان اطبق 4500 بخاخ لأني سمعت بعضهم يقولون تطبق على طول وبعضهم يقولون تغير الداير والحذاف و احترت الصدز ماعاد ادري من اصدق
والله العظيم انك اخر حبه يا رجل افدتني صراحه انا موتري ١٩ سوبر صالون شريته السنه الماضيه اصفار و حاليًا ماشي ٦٠ الف انا متخوف من اعطال لان احس جرت عليه شوي بالممشى. طبعًا الممشى خطوط ما دخلت بر الا مرات معدوده
عندي سوبر سفاري 2019 فل كامل مشتريه مستعمل ماشي الحين 137 ألف لاحظت عليه ممشاه ثقيل ويصرف بترول كثير 2 تانكي ما يمشي اكثر من 360 كلم غيرت بواجي وزيت المكينة وبعده ثقيل ايش السبب برأيك؟!
بيض الله وجهك على هذه القناة , عندي مداخلة بخصوص زيت الموتر انا أفضل 5W40 للفتك خاصة اللي فاكة وكالة هذا العيار للمحركات الكبيرة مثل مكينة الفتك وانصح بتيتان سعرها مهوب غالي للعلبة , يستاهل يفرق حتى في صرفيه البنزين وما انصح احد يمشي على الزيوت التخليقيه اكثر من 7000 لان نلاحظ الناس يمشون عليها اكثر من 10000. كذلك انت ذكرت 10W30 كذلك اضيف 5W30 هذا العيار يتبخر مايصلح للفتك , النقطة الثانية ياليت توضحها لنا القربة اللي بجنب المكينة في حالة اني عبيتها لازم افك مسمار التنسيم ؟ ....تقبل مروري واستمر والله يوفقك
حبيت أستفسر منك عن الورش الي فاهمه بصيانة الفتك بالرياض لان مثل ما انت عارف لو تطيح بيد غشيم حاس الموتر ودخلت بدوامة المشاكل فياليت تشاركنا ببعض أسماء الورش التكانه للفتك بالرياض الله لا يهينك ويبيض وجهك.
نيسان اسطوره واي سياره تشوفه من نيسان عليها محرك رياضي حتى لوهي سياره تحميل مثل ددسن مكينتها رياضيه اسم المحرك KA24 نفس محرك نيسان سيلفيا أشهر محرك 4سلندر في أمريكا جي تي ار VR38 فتك TB48 زد VQ وددسن وسيلفيا KA24 و RB26 وفيه الكثير سيارات مقطوع تصنيعها من نيسان بعد خسارتها عام 1998 رياضيه
انا بدلت القربه الاساسيه عشان القديمه ماتشوف معدل الماء بالقربه والحين بكشاف الجوال اشوف الماء بالقربه بدون ما افتحه وسعرها 115 ريال اصليه وترى معدل القرب النص طبيعي وارتحت من فتح الرديتر كل مره 👍
ملاحظه كلتش المروحه عندك خفيف شوي عن تجربه كان عندي باترول استعمال شايب ل١٥ سنه تقريبا ضغط المكينه مايتعدى ٢.٥ عالعموم الكلتش كان ثقيل اشقل من الي عندك بواجد صحيح كان فيه صوت حنه لكن تبريد بسمالله ماشاء الله شي ماتحصله في اطلق مرواح تبريد حراره نايمه علما ان البلف راكب وحق الوكاله والمويه عاديه