የበራስ መተማመን ሚስጢር 

በራስ መተማመን ክህሎት ነው፡፡ሁሉም ፈሪ የተባለ ሰው የበራስ መተማመን ካባን መጎናጸፍ ይችላል፡፡አብዛኞቻችን ስለበራስ መተማመን ያለን ምልከታ ስህተት ነው፡፡በራስ መተማመን ለስኬተማ ሰዎች ብቻ ከሰማይ የተቻረ አድርገን የምናስበው ነገር ፍጹም ስህተት ነው፡፡ማንም ሆንን የትም ሆንን በራስ መተማመንን መገንባት እንችላለን፡፡
የመጀመርያው ሁላችንም በራስ መተማመንን የምናይበትን መንገድ ማስተካከል አለብን፡፡ከላይ እንደ ተጠቀሰው በራስ መተማመን ክህሎት ነው፡፡ይህም ማለት ሁሉም ሰው ሊማረው ይችላል፡፡
ከእናታችን ማህጸን ስንወጣ ማናችንም አሁን በበራስ መተማመን ተሞልተን የምናደርጋቸውን ነገሮች አናደርጋቸውም፡፡መብላት፣ መራመድ፣ መጻፍ፣ ሳይክል መንዳት፣ መሾፈር፣ ማውራት፣ ልብስ መልበስና አሁን በቀላሉ የምናደርጋቸውን ነገሮች ከእናታችን ማህጸን ይዘን አልወጣንም፡፡ያዳበርናቸው ደግመን ደጋግመን በመለማመድ ነው፡፡
አለማችን ላይ ያሉ ስኬታማ ሰዎች በራስ መተማመናቸውን የፈጠሩት ደግመው ደጋግመው በመለማመድ ነው፡፡አለም ላይ የአስር ሺህ ሰዓት ህግ የሚባል የስኬት ህግ አለ፡፡ስኬታማ ሰዎች በሞያቸው ትክ የሌላቸው ለመሆን ቢያንስ ለአስር ሺህ ሰዓት እንደተለማመዱ የሚያስረዳ ህግ ነው፡፡ማንም ሰው ስኬታማ ለመሆን አስር ሺህ ሰዓት ቢለማመድ እንዴት ለማድረግ በፈለገው ነገር በራስ መተማመን ያጣል?
ለማድረግ የምትፈልጉት ነገር ካለ እለት እለት ሳታቋራጡ ተለማመዱ፡፡ሁልጊዜ የምትለማመዱት ነገር ውሎ አድሮ እናንተን ይሆናል፡፡ያንጊዜ በራስ መተማመን የግላችሁ ይሆናል፡፡አታቋሩጡ፡፡
#ethiopia #success #motivation #self-confidence #inspiration #wining #10000rule