هل النرجسي فاهم نفسه ؟
هو يا اما هو بيحتاج تقدير عالي جدا عشان يعرف هو مين هو نفسه مش عارف نفسه وبالتالي مش عارف يقدرها ودي بتكون اول خطوة في اي مرض نفسي ، اذا الناس مقالوش له هو اد ايه كويس هو حيفقد هويته ، هو هويته معتمدة تماما على رأي الناس فيه مبيعرفش يعبر عن نفسه، اما احسن حد في العالم او اسوأ حد فشل وطبعا بسبب غباء العالم اللي مش مقدر قيمته . طول ما الدنيا ماشية معاه كويس بيكون احساسه بنفسه جيد لكن اول مايحصل اي مشكلة بيكون احساسه بنفسه سيء جدا . ميعرفش يتعامل مع مشاعره وعادة لو الامور ممشيتش زي ماهو عايز بيبالغ في مشاعر وطبعا بتكون المشاعر دي الغضب الشديد
او انه يحط اهدافه بناء على ايه اللي الناس حتقدره اكتر يعني يختار الوظيفة اللي الناس تقدره بيها ويختار يعمل فلوس عشان هي دي اللي حتخلي الناس تحترمه ويبدأ يتكلم عن اهدافه اللي لسة محققهاش على انها اتحققت وشغال فيها وطبعا بيسرح في عالم الخيال ، واهدافه بتكون اما عالية جدا خيالية ، او منخفضة جدا زي انا مش حكمل تعليمي عشان انا اصلا احسن واذكى من كل اللي بيدرسوا دول
مين اللي ممكن النرجسي ينسجم معاه ؟وليه بيرتبط بشريك او زوج طالما مش حينسجم معاه؟
هو بيتناغم فقط مع الاقوياد والمهمين زي ماقلت لكم انه فعلا مش بيحترم غير القوي ، الغني ، رؤساؤه في العمل ، هنا دكتور راماني بتقول انه بينسجم معاهم لسببين انه عايز يكون زيهم ، او انه محتاج لتقديرهم وتقييمهم له (وقود) وطبعا معرفته بالناس دي بتكون فيها مصالح كويسة ،
كمان بتقول انه يا اما مش مدرك الناس اللي حواليه بتتأثر وتتئذي اد ايه منه ومش مهتم يعرف. او انه مدرك ومتخيل كمان ان تأثيره اقوى بكتير من الحقيقة اللي حاصلة وانه قوته قاهرة للي حواليه خصوصا الناس القريبين او الناس اللي ممكن يكون لهم تأثير على صورته في المجتمع ( يعني مثلا حالة قالت انه بيقول لها انه عارف انه بيخوف ، ودايما يقول ان الناس بتخاف من شكله مع انه كيوت ، يعني هو متخيل انه مرعب والناس بتخاف منه جدا وهو مش مرعب ولا حاجة غير لضحيته فقط ومتخيل كمان انه بيرعبها اكتر بكتير من الحقيقة )
هو مش بيحب يكون لوحده لانه محتاج تقدير ورضا الاخرين ، لكن لما بيرتبط بعلاقة مع شريك او زوج هو مش بيهتم اصلا بالعالم بتاعه ولا بعالم ولا حياة اي حد اصلا ، بس هو بيختار انه يدخل في علاقة زي دي عشان يحصل على حد يكمل او يحسن الصورة ودايما يختاره لفلوسه او قوته او شباب او جمال لكن مش حب ولا ومودة ولا رحمة
امتى النرجسي يفهم انه مؤذي ويفوق ويحاول يتعالج ؟
١- التقدم في العمر وراح الشباب والنجاح ومبقاش مهتم بالعالم ولا بأي حاجة وبدأ يحس انه قرب يقابل ربنا ويبدأ يخاف من مصيره
٢- انه يفقد اسرته او شريكه و ويبدأ يحس بالفراغ ، ويبص للبيت الكبير والفلوس ويشوف الانجازات اللي عملها كلها ملهاش قيمة لانه اصبح وحيد وهو ميقدرش يعيش وحيد ، في الحالة دي ممكن يتراجع ويقف ويشوف وضعه ويفهم حالته وبيكون الوضع صعب جدا وعصيب ومحبط لكن اذا استمرت البصيرة بيحاول وبيتعالج اذا صدق مع ربنا او حتى مع نفسه
ادراك النرجسي لنفسه و عيوبها اصعب بكتير من البقاء الظلام اللي هو عايشه يعني اكتشاف نفسه ومرضه صعب جدا عليه ومحبط اكتر من وضعه قبل مايدرك او يفهم
هل النرجسي مدرك انه تعيس وانه مش عارف طعم السعادة؟
النرجسي مش بيفكر اذا كان سعيد ولا لا الا اذا الامور ممشيتش زي ما هو عايز ، هو بيعاني من عدم الامان بشكل مزمن ، و عشان يرتاح او يعالج عدم الامان دة بيوصل كل اللي حواليه لانهم يحسوا بعدم الامان ، النرجسي عمره ماحس انه سعيد لان مفيش حاجة بترضيه كل حاجة معاه مش مكفياه ، مهما جمع فلوس مش مكفياه عايز تاني لانه علطول خايف ومس حاسس بالامان فكل حاجة خايف متكفيهوش ،وحاسس ان اي حاجة مش كفاية انتي مش كفاية واولاده مش كفاية وابوه وامه مكانوش حنينيين كفاية وكل حاجة في حياته مش كفاية لكن اسوأ شيء في النرجسي انه تعاسته دي كلها بينقلها للي حواليه وللي اضعف منه .
اي نوع من النرجسيين ممكن يدرك انه عنده مشكلة ومحتاج يصلحها واحيانا يحاول ويروح لطبيب؟
النرجسي الخفي او الضعيف (النرجسي الخفي هو بيطلقوا عليه اسم الضعيف)
اكونت الفيس بوك
profile.php?...
جروب ادرس عدوك النرجسي
/ kawthersanad11
2 июн 2021