صدقني لو بيستمر بيغطي على القنوات الوهميه حقت الرياضه محتواه قويي ومعلوماته ممتازه وواقعيه وطريقه توصيل المعلومه هاذا وغير الموتاج و التصوير ماشاء الله
الكلام هذا مستحيل احد يقوله .. الجانب النفسي جدًا مهم ، الإيمان التام بقدراتك وثقتك بربّك ونفسك باذن الله راح توصل اهم شيء الالتزام والاستمرارية فهي اهم عوامل النجاح يااهيييييهه كييييييفففك الزبدة شكرا ياكوتش 👌🏽❤️
سلمت يداك على المعلومة يا كابتن عندي استفسار، ما هو أعلى رقم عدات تمرين ضغط متتالي دفعة واحدة دون توقف مسجل في موسوعة غينيس فلقد بحثت في النت و كل الذين عثرت عليهم يستريحون بين دفعة من عدات الضغط و الدفعة التي تليها؟ جزاك الله عنا كل خير دنيا و آخرة سلفا
تعودوا على التبريك ماشاء الله تبارك الله لا قوة الا بالله الأذكار الصلاه والقران الذكر تمارين التنفس جدول السعاده سورة البقره يوم ال عمران يوم الرقيه من كتابي او رقيه مع ايات السكينه صفحات الختمه الشهريه صفحتين او اكثر الصلاه بوقتها جهاد النفس السنن…النوافل
الله يعطيك العافية ياكبتن ، ولكن ضرب المثال بالباور ليفتنق اشوف انه غير موفق ، لو واحد يتمرن بالجيم لحاله ومحبط طبيعي بتحون اوزانه خفيفة ، ولو معه احد يحمسه اكيد اوزانه راح ترتفع فهذا مو دليل ، موضوع الهرمونات (كأنك مدخل ادمي جديد جوا جسمك) لذلك نتائجها خرافيه لو كان فيه التزام ، متفهم وجهه نظرك ان الانسان الطبيعي يقدر يوصل لجسم ومستوى حلو وهو طبيعي ولكن استحاله انه يوصل لمستخدمي الهرمون (حتى الطب يقول كذا ) شكرا لك
ماعليش مع احترامي لشخصك لكن مشكلتك من النوع الي حافظ لكن موب فاهم . أولاً ابي رابط هالدراسة و تكون موثقه من منظومة رسميه او احد الجامعات الموثوقة ابي الدراسة ع الاستيرويد موب ع الوهم الي تتكلم عنه و تاثيره ع الشخص . عشان نفهم انه كلامك هذا موب خرط ومن كيسك او سوالف ليل.. ثاني شي الكافيين تاثيره ع الجهاز العصبي و يزيد من مستوى التركيز . ثالث شي الأنبوليك ستيرويد موب شي سهل بكل بساطه تقول تأخذ انابوليك سترويد و تبني كتله عضلية . الموضوع محتاج تغذيه محتاج تمرين و راحه و نحتاج امور كثيره من السيطره ع مستوى الاستروجين و نوعه و تاثيره ع الكبد و امور كثيره محتاجه شخص فاهم موب حق تمارين اطاله و منزليه. هذا علم . و ياليت في المره الثانيه لا تقفل الفيديو بكم دقيقه بعذر انك ماتبي تطول . لا عادي نزل فيديو ساعه بس يكون فاهم وش تقول .
اولاً رابط الدراسة موجود في خانة الوصف اولاً ثانياً ما قلت الاسترويدرات تأثيرها وهمي لأن الدراسة كانت عن مادة وهمية وليست استرويدات ثالثاً الموضوع ليس عن الكافيين ايضا بالعكس ذكرت في المقطع ان الكافيين يحسن الاداء الرياضي واتكلمت عنه قبل كذا في انستقرام في الموضوع كامل عن التأثير النفسي وليس عن اي مادة معينة افهم الموضوع أول بارك الله فيك
Ahmad AlGhamdi Fitness Ahmad AlGhamdi Fitness انت في بداية مقطعك قلت حبوب انابوليك ستيرويد او حبوب هرمون ثاني شي الرابط هذا من جريده ابي دراسه موثقه من عالم او موسسات معروفه صاحبة تخصص و تكلمت عن مادة الكافيين برضه في مقطعك في الدقيقة ٢و٣٠ ثانيه قلت انه في معنى كلامك انه يكون في مادة كافيين وهو ما اخذ كافيين !!!! كييييف كيييف ؟؟؟ هذا اسمه جنون شي موب منطق ابداً أبدا كيف يكون فيه مادة كافيين عشان موضوعك الوهم وهو ما اخذ كافيين. و قلت يحسن من مستوى الرياضي .. الكافيين يزيد من فاعلية الجهاز العصبي بشكل عام رياضي انسان يبي يركز او مايبي ينام او الي هو كل الموضوع استفاد منه الرياضي في هالجانب و بما انا نتكلم عن كمال الأجسام يستفيد منه في رفع مستوى التركيز اثناء التمرين اما مكملات البور موب بس كافيين هذي فيها كفيين و فيها نسيه عاليه من السكر و من الكارب هيدرات وبعض الفيتامين و البعض ما يفضلها عشان ما يرفع من مستوى هرمون الاونسلين ف يكتفي في كوفي و كلين باترول و كارب معقد . انت اخذت الموضوع او دراسه و وظفتها في مكان غلط موب لها ولا معموله له . تكلمة عن الكافيين وهو موب مكمل غذائي . و تكلمة في بداية موضوعك عن الانابوليك ستيرويد وهو موب موضوعك ابد ابد . و حطيت انه كثير كثير من المكملات الغذائية موب صح . هذا اسمه مكمل غدائي موب شي أساسي تعتمد عليه يكمل لك النقص بس موب يصير شي أساسي ولا يحل مكان التغذية . اذا الهدف من موضوعك تبي تطرح تشبيه اطرح بس بالمنطق موب شي يرفضه المنطق و الحقائق . لا تجي تقولي حبوب انابوليك ستريود او منشطات و تسرد موضوعك . اذا اصلاً حتى لاعبين كمال الأجسام الي لهم بطولاتهم و مكانهم في اللعبه يحاولون يبعدون عن الحبوب قدر الإمكان ل قوة تأثيرها ع الكبد . اطلع و اقراء ولا تنقل قبل تعرف وش تتكلم عنه و حبا ذا تكون مجرب يكون افضل .
Kay Hao اول شي في بداية المقطع هذا جزء من الموضوع اللي اتكلمت عنه عن الدراسة فنص المقطع انهم قالو للأشخاص اللي سوو عليهم دراسة انه بيعطوهم حبوب هرمونات ولكنها حبوب وهمية ركز في المقطع قبل ما تنتقد ثانيا جريدة؟؟؟ اسمها مجلة علمية اذا ما تعرف ان مصدر الدراسات هو المجلات العلمية او journals فهذه مشكلتك ثالثا انا ما اتكلمت عن تأثير مادة الكافيين انا اتكلمت عن التأثير الوهمي من غير مادة الكافيين والمقطع كله عن التأثير النفسي والوهمي وليس عن اي مادة ركز فمحتوى المقطع وفكرة المقطع انا مو قاعد اتكلم عن أي مادة انها غير فعالة :)
