സഹജീവികളോടുള്ള കരുണയും കരുതലുമാണ് ആദ്ധ്യാത്മികത എന്നാണ് അമ്മ നമ്മെ പഠിപ്പിക്കുന്നത്. അമ്മയുടെ വാക്കുകളിൽനിന്നും അമ്മ ജീവിച്ചു കാണിക്കുന്ന ആദർശത്തിൽനിന്നും പ്രചോദനം ഉൾക്കൊണ്ട് സ്നേഹത്തിന്റെയും സേവനത്തിന്റെയും പുതുചരിത്രമെഴുതുകയാണ് ലോകമെമ്പാടുമുള്ള അമ്മയുടെ മക്കൾ.
അന്നദാനം മുതൽ അത്യാധുനിക ഗവേഷണങ്ങൾ വരെ നീളുന്ന വിപുലമായ സേവാ പ്രവർത്തനങ്ങളാണ് മാതാ അമൃതാനന്ദമയീമഠത്തിന്റെ വിവിധ ശാഖകളിലൂടെയും, അമൃത സർവകലാശാല, അമൃത ആശുപത്രി തുടങ്ങിയ അനുബന്ധ സ്ഥാപനങ്ങളിലൂടെയും നടന്നുവരുന്നത്.
അവയെ സംബന്ധിച്ച വാർത്തകൾ നിങ്ങളിലേക്കെത്തിക്കുക എന്ന ലക്ഷ്യത്തോടെ അമൃത വേൾഡ് യൂട്യൂബ് ചാനൽ ഓരോ മാസത്തേയും പ്രധാന വാർത്തകൾ മലയാളത്തിൽ ലഭ്യമാക്കുകയാണ്.
ഭാവിലോകത്തേക്കുറിച്ചുള്ള അമ്മയുടെ സ്വപ്നം സാക്ഷാത്കരിക്കപ്പെടുന്ന ഈ ഓരോ സേവനപ്രവർത്തനങ്ങളേക്കുറിച്ചുമുള്ള വാർത്തകളിൽനിന്നും പ്രചോദനമുൾക്കൊണ്ട് അമ്മ നമുക്ക് ഓരോരുത്തർക്കും പകർന്നു തരുന്ന സ്നേഹത്തിന്റെയും, സേവനത്തിന്റെയും മൂല്യങ്ങൾ നമ്മാലാവും വിധം ജീവിതത്തിൽ പകർത്തിക്കൊണ്ട് നമുക്ക് ഒരുമിച്ച് മുന്നേറാം.
തീർച്ചയായും സത്യമാണത്. ധർമത്തെ അടിസ്ഥാനമാക്കിയുള്ള ജീവിതചര്യയെപ്പറ്റി കുഞ്ഞുങ്ങൾക്ക് അറിവുണ്ടാവണമെങ്കിൽ വീടും വിദ്യാലയവും അതിനുള്ള മാതൃകാ സ്ഥാപനങ്ങളായി പരിണമിയ്ക്കണം..❤❤